Црна хроника
Им издал дозвола за движење на вработените и покрај тоа што немал регистрирано ноќна смена

СВР Скопје – Единица за економски и компјутерски криминал поднесе кривична пријава против З. М. (57) поради постоење основи на сомнение дека сторил кривични дела непостапување според здравствените прописи за време на епидемија и фалсификување службена исправа.
Пријавениот, во својство на управител на правно лице, во период на постоење одлука за забрана и посебен режим на движење на територијата на РСМ, на двајца вработени им издал дозвола за движење заради вршење сменска и ноќна работа и покрај тоа што правното лице немало регистрирано ноќна работа и работа во викенд.
Притоа, на 29.4.2020, при контрола од страна на полициски службеници, тие на увид ја приложиле дозволата со невистинити податоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.
Црна хроника
14-годишник нападнат на трим-патека во Кисела Вода од повеќе малолетници

Вчера во 14:30 часот во СВР Скопје, 54-годишниот Д.Х. од Скопје пријави дека на 09.08.2025 околу 22:30 часот на трим патека на подрачје на Кисела Вода во Скопје, неговиот 14-годишен син, додека бил со неговиот брат и другарка, по претходна расправија, бил физички нападнат од повеќе малолетници, кои ги познава и кои носеле и метални предмети.
Се преземаат мерки за расчистување на случајот