Спорт
Ето: Дрогба и Диуф се смешни, јас сум најдобриот Африканец во историјата

Самуел Ето повтори дека е сигурен дека тој е најдобриот африкански фудбалер во историјата, потсмевајќи се со сличните тврдења на Ел-Хаџи Диуф и Дидие Дрогба.
Поранешниот напаѓач на Ливерпул, Диуф неодамна тврдеше дека е најдобар фудбалер во историјата на контектот, а слични тврдења неодамна имаше и од поранешната ѕвезда на Челси и Брегот на Слоновата Коска, Дидие Дрогба. Камерунецот Ето вели дека неговите успеси и неговата желба за успех биле ненадминати.
„Дури иако мојот брат Диуф последниот пат со некоја екстра чаша пијачка, малку се загуби, тука нема дебата. Никој од нив не може да дојде и да каже дека биле на мое ниво или подобри од мене. Тоа не е факт само бидејќи јас го кажувам, туку бидејќи едноставно е така. Сакав да бидам број 1 и бев број 1 во мојата кариера“, вели Ето.
Ако се смета за успесите во кариерата, тогаш малку фудбалери на целиот свет можат да се пофалат со поголеми успеси. Тој четири пати беше прогласуван за најдобар африкански фудбалер, заедно со Јаја Туре, додека Дрогба и Диуф имаат по две награди.
Во својата кариера, Ето играше за Реал Мадрид, Мајорка, Барселона, Интер, Челси и Евертон, освојувајќи четири титули од ЛШ, три од Ла лига, два од Копа дел Реј, трофеј од Серија А и Копа Италија. Покрај тоа, тој има и 118 настапи за камерунската репрезентација, 56 гола и настап на четири Светски првенства, како и олимписко злато од 2000 и две титули од Африканскиот куп на нации.
Диуф, кој во кариерата играше за Сошо, Рен, Ленс, Ливерпул, Болтон, Блекбурн, Сандерленд, Глазгов Ренџерс и Лидс јунајтед има само еден Англиски Лига куп, како и титула од Шкотската Премиер лига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јанелт ќе игра за Босна и Херцеговина

Фудбалскиот сојуз на Босна и Херцеговина успеа да извојува голема административна победа.
Во овој квалификациски циклус Витали Јанелт ќе може да го носи дресот на оваа репрезентација.
Овој фудбалер кој е роден во Германија, поточно во Хамбург во 1998 година, до моментот кога се оженил за Босанка нема никаква врска со Босна и тоа било доволна причина да добие државјанство.
Тој нема да биде во составот за стартот на мундијалските квалификации против Романија и Кипар, но Германецот треба да го облече дресот на БиХ веќе во јуни, на натпреварите против Сан Марино и Словенија.
Јанелт е играч на Брентфорд и оваа сезона одигра 28 натпревари во Премиер лигата.
Според веб-страницата „Трансфермаркт“, вредноста на новиот фудбалер на Босна и Херцеговина се проценува на 22 милиони евра.
Спорт
ПСЖ испратил понуда до Ван Дајк

Пари Сен Жермен трагна по потписот на капитенот на ливерпул, Вирџил ван Дајк.
Според француските медиуми, спортскиот дирекотр на ПСЖ започнал прелиминарни преговори со Холанѓанецот, што само долеа масло на огнот на видеото кое се појави по натпреварот помеѓу Ливерпул и ПСЖ.
Имено, по осминафиналниот реванш во Лигата на шампионите се појави видео на кое Ван Дајк комуницира со првиот човек на ПСЖ, Насер Ал-Келаифи и спортскиот директор Кампос.
Последните информации говорат дека ПСЖ на Ван Дајк му нуди двегодишен договор вреден 40 милиони евра (20 милиони годишно), со опција за продолжување на уште една сезона и со потенцијални бонуси и заработка од дури 50 милиони до 2027 година.
Навивачите на Ливерпул се загрижени бидејќи клубот се уште не направил конкретни потези во преговорите и знаат дека клубот не може да и парира на оваа понуда.
По елиминацијата од ПСЖ, Ван Дајк изјави дека тимот од Париз е „најтешкиот противник и најдобриот тим против кој Ливерпул играл во последните четири години“.
Спорт
Франција без Турам против Хрватска

Францускиот напаѓач Маркус Турам (27) поради повреда нема да настапи на двата меча против Хрватска во четвртфиналето на Лигата на нации. Турам, во понеделникот се појавил во Националниот фудбалски центар во Клерфонтен.
Напаѓачот на Интер бил прегледан од докторот Франк Ле Гал пред да биде подложен на дополнителни тестови.
„Тој имаше болки во левиот скочен зглоб, поради што нема да може да учествува на натпреварите закажани за четврток на 20 март во Сплит и в недела на 23 март на „Стад де Франс“ против Хрватска. Дидие Дешам му дозволи да се врати во Милано. Селекторот продолжува да работи со преостанатите 23 играчи“, соопштија од Фудбалската федерација на Франција.
Турам (29 настапи, 2 гола) одигра неколку натпревари под инјекции оваа сезона. Тој постигна два гола против Феенорд во Лигата на шампионите пред да биде заменет по 60 минути игра. Во неделата во Бергамо тој го одигра целиот натпревар против Аталанта при победата на Интер од 2:0, но не постигна гол.
Дешам сега остана со Бредли Баркола (ПСЖ), Усман Дембеле (ПСЖ), Дезире Дуе (ПСЖ), Рандал Коло Муани (Јувентус), Килијан Мбапе (Реал Мадрид) и Мајкл Олисе (Баерн) како напаѓачи.
Турам одигра 38 натпревари оваа сезона, постигна 16 голови во сите натпреварувања.