Спорт
„Меси и Кристијано не можат да се споредат со Роналдо“
Кој е најдобриот фудбалер на сите времиња? Пепе, Јохан Кројф, Франц Бекенбауер, Диего Марадона, Роналдо Назарио да Лима, Лионел Меси, Кристијано Роналдо… Дебатите по ова прашање никогаш нема да престанат. Јасно е само дека секоја генерација има свој херој.
Кога ќе се покрене дебатата никој не може да го побие факто дека никогаш во историјата на фудбалот немало двајца играчи кои во исто време толку долго доминирале на теренот.
Поради тоа се чини дека кога ќе се покрене прашањето кој е најдобриот најголемиот дел мислат на Меси или Кристијано Роналдо.
На прашањето одговорил и легендарниот Бразилец Роберто Карлос. Според него Аргентинецот и Португалецот не можат да се споредат со неговиот сонародник Роналдо.
„Роналдо доминираше и на тренинзите. Беше најдобар. Никој никогаш нема да биде како него. Никој нема да биде како Ил Феномено. Ниту Нејмар, ниту Кристијано, ниту Меси не можат да се споредат со него. Тој е уникатен“, рекол Робарто Карлос.
„Мислам дека потешко беше да се постигне гол во наше време, дефанзивците беа силни. Сепак Роналдо можеше да направи се што ќе посакаше“, дополнил Роберто Карлос.
Роберто Карлос и Роналдо бае дел од бразилската репрезнетација која го освои Светското првенство во 2002 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.