Спорт
Хорас Грент: Џордан лаже, јас не бев кртот
Поранешниот кошаркар на Чикаго Булс Хорас Грент не се согласува со многу работи од документарниот филм „Последниот танц“, кој е посветен на кариерата на Мајкл Џордан.
Грент и Џордан никогаш не биле во добри односи, бидејќи Хорас секогаш му возвраќал на критиките. Во документарниот филм повторно е кажано дека Грент бил еден од оние кои на новинарот Сем Смит му открил што се случувало во соблекувалната на Булс. Смит тие сознанија ги објави во книгата „Правилата на Џордан“.
Поранешниот кошаркар на Чикаго, Орландо Лос Анџелес Лејкерс негира дека тој бил кртот.
„Лага, лага, лага…Доколку Мајкл ми е лут ајде тоа да го решиме како мажи. Ајде да разговараме. Или тоа можеме да го средиме на поинаков начин. Меѓутоа тој сепак се појавува во јавноста со таа лага, дека јас сум бил кртот. Сем Смит и јас бевме и се уште сме големи пријатели. Меѓутоа факте е дека она што се случува во соблекувалната треба да остане таму. Не заборавајте Сем истражува тој е таков новинар. Имаше два извори, зошто тогаш Џордан го впери прстот во мене“, рекол Грент.
„Тој ми е лут, тоа сакам да ви го кажам. Тоа го покажа и во овој така наречен документарец. Кога ќе кажеш нешто за него тој ќе те „исече“, ќе проба да ти го уништи карактерот“.
Грент додава дека Џордан ги прекинувал односите со луѓето кои го критикувале, го посочува примерот со Чарлс Баркли.
„Беа пријатели 20-30 години. Тој кажа нешто за начинот на кој Мајкл ги води Шарлот Хорнетс и оттогаш не разговараат. Тој вели дека јас сум кртот, а 35 години по својата руки сезона тој раскажува како во собата на еден соиграч имало дрога, трева и жени. Што сакам да кажам? Зошто по ѓаволите зборувал за тоа? И после тој за некого ќе каже дека е крт“.
Грент дополнил дека „Последниот танц“ е така наречен документарец, дека многу работи се исфрлени, но и дека Џордан се излажал дека може да доминира во однос на него. Додава дека било срцепарателно како Џордан се однесувал со Вил Пердју, Стив Кер, Скот Барел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.