Македонија
Овозможувањето онлајн-игри на среќа e полн погодок на Владата за економијата и граѓаните
Оваа уредба на Владата претставува разумен одговор на забрзаниот развој на технологијата и дигитализацијата, кои од корен го променија и унапредија секојдневниот живот, но и бизнисот и забавата.
Позитивните ефекти врз националната економија, како последица на уредбата на Владата, со која се овозможува приредување игри на среќа преку интернет, се веќе мерливи и јасно видливи.
Уредбата донесена за време на пандемијата на коронавирусот им дава можност на приредувачите на игри на среќа својата работа да ја организираат и преку интернет, а со нејзиното стапување во сила Македонија повеќе не е единствената европска земја во која онлајн приредувањето игри на среќа е забрането!
Со регулација на онлајн-пазарот на игри на среќа повеќекратно се зголемува даночниот приход и се намалува можноста на малверзација и одлив на пари кон странски интернет-страници за обложувањe и онлајн казино игри регистрирани во други земји. Државната каса ќе биде повеќе полна, а даноците збирани од најголемите обложувачници и казина ќе се насочуваат кон подобрување на квалитетот на животот на граѓаните. Според податоците од Министерството за финансии, речиси 40 милиони евра се прибираат по основ на посебната давачка од оваа индустрија. Ако на оваа цифра се додаде и персоналниот данок на доход од игрите на среќа, кој учествува со приближно 10 отсто од вкупно прибраниот персонален данок, станува јасно колку ставот на Владата во овој случај бил правилен и ефективен.
Според процените на економистите, помеѓу 40 и 50 милиони евра годишно се одливаат во други земји на онлајн-обложување и игри на среќа. Тие средства сега ќе бидат даночени во нашата држава.
Особено е важен моментот во кој беше донесена регулативата имајќи ги предвид предвидувањата за последиците што пандемијата на коронавирусот ќе ги има врз светската економија и сè почестото спомнување на претстојната рецесија.
Индустријата на игри на среќа обезбедува повеќе од 8.000 работни места, а со можноста своите услуги да ги понуди и онлајн, стабилноста на работењето ќе биде поголема, како и сигурноста на вработените. Посредно оваа индустрија поддржува уште 20.000 работни места имајќи го предвид обемот на услуги што ги нудат и начинот на кој ја организираат работата.
Организирањето игри на среќа преку интернет подразбира и низа мерки за заштита на играчот, од блокада на налогот до самоограничување. Уживателите на игрите на среќа сега може безбедно да се забавуваат од удобноста на своите домови.
Оваа уредба претставува разумен одговор на забрзаниот развој на технологијата и дигитализацијата, кои целосно го променија начинот на живеење, а доведоа и до многубројни промени во бизнисот и забавата. Дефинитивно, една од најголемите предности на онлајн-обложувањето е неговата комплетна достапност, намалувањето на трошоците на работење и повеќе можности за нови инвестиции и вложувања. Корисниците на услугите се особено задоволни затоа што може да се забавуваат без чекање редици, од кое било место и во кое било време, со поголема понуда на промоции и бонуси за играчите регистрирани на интернет-страниците за игри на среќа.
Со регулирањето на интернет приредувањето игри на среќа Македонија се приклучи кон другите европски земји, кои со години успешно го регулираат овој пазар.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.