Црна хроника
Пожарникари и нуркачи од МВР извлекуваат возило од Вардар

Екипи на Противпожарната единица и нуркачката единица при МВР се обидуваат да извлечат автомобил кој паднал во Вардар во близина на пешачкиот мост кај болницата „Аџибадем Систина“.
Според првичните информации, во автомобилот немало никој. Спасувачките екипи се обидуваат да постават сајли за извлекување на возилото.
Пожарникарите што учествуваат во акцијата за „Макфакс“ велат дека е отежнато излекувањето на возилото поради брзата и ладна вода во Вардар, како и поради лошиот пристап до возилото, кое е пропаднато во дупка и од него се гледа само антената.
Акцијата трае повеќе од половина час. Во Вардар има еден нуркач, а од страна повеќе од 6 полицајци со јажиња се обидуваат да го извлечат возилото. На местото пристигнаа уште две екипи на пожарната единица, кои ќе помагаат при извлекувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.
Црна хроника
14-годишник нападнат на трим-патека во Кисела Вода од повеќе малолетници

Вчера во 14:30 часот во СВР Скопје, 54-годишниот Д.Х. од Скопје пријави дека на 09.08.2025 околу 22:30 часот на трим патека на подрачје на Кисела Вода во Скопје, неговиот 14-годишен син, додека бил со неговиот брат и другарка, по претходна расправија, бил физички нападнат од повеќе малолетници, кои ги познава и кои носеле и метални предмети.
Се преземаат мерки за расчистување на случајот