Спорт
Касилјас признава дека жали за заминувањето од Реал
Икер Касилјас признава дека жали на начинот со кој се раздели со својот матичен клуб Реал Мадрид, на петгодишнината од заминувањето од „Сантијаго Бернабеу“, ветувајќи дека евентуално ќе се врати.
Шпанскиот великан го одигра последниот меч за Мадрид пред пет години, кога замина во Порто на 34 години по 16-годишна кариера со „кралевите“. Многу фанови на клубот сметаа дека тој е „истеран“ од клубот.
„Ретко зборував за моето заминување од Реал Мадрид. Бев на прес-конференција сам, што беше голема грешка, и заминав. Поминаа пет години откако ја поминав границата со Португалија. Ми беше потребно да чувствувам нешто поинакво. Нова околина, без толку критики. Во Порто го почувствував тоа. Да не ви кажувам други работи“, напиша Касилјас на Инстаграм со фотографија од последниот меч за Реал, 7:3 победата над Хетафе на 23 мај 2015.
Касилјас во февруари ја почна кампањата за да стане претсдател на Кралската шпанска фудбалска федерација (РФЕФ), откако минатиот мај имаше срцев напад на тренинг со Порто и се пензионираше од спортот.
Со Мадрид тој освои пет титули од Ла лига и три од Лигата на шампионите, а за шпанската репрезентација оствари 167 настапи и беше капитен при победата на Светското првенство во 2010 и Европското првенство во 2008 и 2012.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.
Спорт
Катастрофа за Милвоки се повреди и Лилард
Кошаркарот на Милвоки, Демијан Лилард заработил повреда на Ахиловата тетива, објавија сите НБА инсајдери.
Лилард играл последните недели и покрај проблемите со Ахиловата тетива, и ја влоши состојбата во последниот дел од третиот натпревар од првото коло од плеј-офот против Индијана.
Плејмејкерот на Милвоки мора да носи ортопедска чизма и под знак прашалник е за четвртиот меч (понеделник, 01.00 часот) во серијата во која Пејсерси водат со 2:1.
Бакс веќе играат без Јанис Адетокумбо, кој ќе ја пропушти првата рунда, а неговата сезона многу лесно може да заврши доколку Милвоки биде елиминиран.
Во првите три натпревари во плејофот, Лилард имаше просек од 32,3 поени и 5,7 асистенции по натпревар.