Македонија
Јанкуловски: Постапката за избор на ректор продолжува во согласност со законот
Мандатот на ректорот на УКИМ не е истечен, оваа законска процедура не е никаков лов во матно, туку дека само станува збор за спроведување на законска постапка која ќе продолжи да се спроведува на фер и транспарентен начин, со почитување на сите мерки и протоколи за заштита на здравјето и животот на сите членови на академската заедница.За жал, коронавирусот веројатно уште долго време ќе биде присутен во нашите животи и наша обврска е да ги адаптираме нашите животи и работа согласно новите состојби. Коронавирусот ќе биде присутен, но сите ние треба да продолжиме да работиме. Ни претстојат испитите, уписот на новите студенти, изборите на новите органи на Универзитетот: на декани, нов Сенат, нов ректор… Никако не смееме да застанеме. Мора да продолжиме напред, се вели во писмото на
ректорот на УКИМ, проф. д-р Никола Јанкуловски.
Тој вели дека „изолиран број на припадници на академската заедница на УКИМ, водени од некои свои лични причини и амбиции, повторно се обидуваат да го извалкаат неговото име и да му наштетат на авторитетот кој го има не само во академската заедница на УКИМ, туку и во пошироката јавност“.
„Универзитетот „Св. Кирил и Методиј“ во Скопје веќе трет месец од воведувањето на вонредната состојба во Република Северна Македонија користејќи ги сите расположливи човечки и технички ресурси, успешно ги извршува својата работа и мисија за што говори и задоволството на централниот субјект на УКИМ, студентите, кое беше посебно апострофирано на последната седница на Ректорската управа од страна на претседателот на Универзитетското студентско собрание.
Ја користам оваа прилика да ја известам целата јавност дека започнатата постапка за избор на ректор на Универзитетот „Св. Кирил и Методиј“ во Скопје за мандатниот период 2020-2023 е во целосна согласност со актуелниот Закон за високо образование. Согласно овој Закон, изборот на ректор не го врши Сенатот на УКИМ, како што во написите се навестува некаква тенденциозно нејасна нелегитимност, туку изборот ќе го извршат членовите на наставно-научните совети на сите единици на УКИМ. Постапката за избор на ректор ќе биде спроведена согласно споменатиот Закон, Статутот на УКИМ и, секако, роковникот ќе се спроведува согласно превентивните мерки на Владата за справување со состојбите предизвикани од последиците од Ковид-19. Членот 5 од цитираната Уредба со законска сила за примена на Законот за високо образование за време на вонредна состојба, се однесува за продолжување на мандатот на органите на Универзитетот и единиците каде тој е истечен за време на вонредната состојба и се продолжува само за времетраењето на вонредната состојба, што не е случај со мандатот на ректорот, така што имајќи ги предвид мерките на Владата за одржување седници, состаноци и сл., постапката за избор на ректор треба да продолжи. Нагласувам дека Универзитетот „Св. Кирил и Методиј“ во Скопје веќе трет месец ја прилагодува својата работа согласно споменатата Уредба и согласно сите превентивни мерки и протоколи. Моја должност и обврска како ректор на Универзитетот е да ја продолжам започнатата законска постапка за избор на ректор и да ја спроведам во најдемократска и отворена постапка за што сведочат и веќе закажаните седници на органите на Универзитетот кои имаат должност и обврска да ја спроведат оваа постапка, за жал и во овие вонредни корона состојби. Напротив, непродолжувањето на веќе започната постапка за избор на ректор на Универзитетот значи директна повреда и непочитување на Законот за високото образование и Статутот на Универзитетот“, се вели во дописот на Јанкуловски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Непречен сообраќај по претежно суви коловози
Сообраќајот на државните патишта се одвива непречено, по претежно суви коловози. Од 22 часот вчера, патниот сообраќај на стариот регионален пат Р-1101 Прилеп – Битола е пуштен во двата правци. Претходно беше во прекиин поради сообраќајна несреќа, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
(Фото) Втора вечер на Новогодишниот базар во Чаир
Вчера се одржа втората вечер на Новогодишниот базар во Чаир, на Плоштад Скендербег, продолжувајќи ја празничната атмосфера што го одбележува овој настан. Плоштадот беше исполнет со бројни граѓани кои уживаа во декоративните светилки, празничните штандови и новогодишниот дух, велат од општина Чаир.

Вечерта започна со детска музичка програма, со песни и празнични настапи за најмладите, по што атмосферата продолжи со музика од DJ Едмир, создавајќи жив и пријатен амбиент за сите генерации.

Новогодишниот базар во Чаир продолжува и во наредните вечери, носејќи дополнителни содржини и празнична живост во пресрет на новата година.




Македонија
Стабилно и студено со ниски утрински температури
Утрото ведро и многу студено, преку денот сончево со мала до умерена облачност. Ќе дува слаб до умерен ветер од северен правец.
Минималната температура ќе биде во интервал од -9 до -2, а максималната ќе достигне од 5 до 12 степени.
Во Скопје, сончево со мала облачност. Ќе дува слаб до умерен ветер од северен правец. Минималната температура ќе се спушти до -6, а максималната ќе достигне до 6 степени.
Времето во наредниот период
Во наредните денови времето ќе биде стабилно и студено со ниски утрински температури кои насекаде ќе бидат негативни и наместа ќе се спуштат до -10 степени. Преку денот ќе биде сончево со мала до умерена облачност. Ќе дува умерен, повремено засилен ветер од северен правец.

