Свет
(Видео) Нереди на протестот поради смртта на Афроамериканецот во Минеаполис
Полицијата и демонстрантите повторно, втора ноќ по ред, се судриле во Минеаполис за време на протестот поради смртта на Афроамериканецот Џорџ Флојд, кој почина кога го приведувала полицијата.
Полицајците, од кои некои биле на покривите, користеле солзавец, пластични куршуми и гранати за да ги стават под контрола демонстрантите, а учесниците на протестот ја гаѓале полицијата со камења, шишиња со вода и други предмети.
Minneapolis is on Fire…
Stay safe, everybody #GeorgeFloyd pic.twitter.com/7plsoPV1Pb
— Tony Clements (@TonyClementsTC) May 28, 2020
Некои од нив ја гаѓале полицијата со канистери со солзавец, пренесува „Ројтерс“.
Демонстрациите почнале неколку часа откога градоначалникот Џејкоб Фреј го повикал обвинителството да поднесе кривична пријава против полицаецот, кој се гледа на видеото како го држи коленото на вратот на Афроамериканецот во лисици, кој се пожалил дека не може да дише и починал во полицискиот притвор.
Стотици демонстранти, од кои повеќето биле со покриено лице, излегле на улиците околу полициската станица, недалеку од местото каде што бил уапсен Флојд, извикувајќи: „Нема правда, нема мир“ и „Не можам да дишам“, а во текот на ноќта нивниот број се зголемил на илјадници.
Телевизиската снимка, направена од хеликоптер, покажува како десетици луѓе ја ограбуваат продавницата „Таргет“ и излегуваат од неа со облека и колички полни со стока.
Кога се стемнило, во неколку претпријатија избувнал пожар, меѓу кои и во продавница за делови за автомобили, а очевидци велат дека биле подметнати.
Медиумите објавија дека мал протест, кој минал мирно, бил одржан во предградието, пред куќата на еден од полицајците.
Претседателот на САД, Доналд Трамп, изјави на „Твитер“ дека го повикал Федералното биро за истраги (ФБИ) да ја забрза истрагата додавајќи дека ја цени работата на локалните полициски сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.