Македонија
Спасовски од Карбинци: Пречистителна станица за вода за пиење ќе го реши долгогодишниот проблем со снабдувањето на повеќе населени места
Со приклучување на општина Карбинци на хидросистемот „Злетовица“ трајно ќе се обезбеди решавање на долгогодишниот проблем со водоснабдувањето, особено во летниот период, истакна техничкиот премиер, Оливер Спасовски, кој присуствуваше на поставување камен-темелник на пречистителната станица за вода за пиење во општина Карбинци.
„Кога ќе биде готова пречистителната станица, ќе се означи крајот на еден долг период на снабдување на населението со вода за пиење преку локални бунари и жителите на оваа општина ќе имаат редовно квалитетна и чиста вода за пиење. Изградбата на оваа пречистителна станица ќе овозможи водоснабдување на повеќе населени места од овој регион“, истакна претседателот на Владата, Спасовски.
Тој посочи дека средствата за реализација на проектот за пречистителна станица во Карбинци, во вкупен износ од 105,3 милиони денари, се обезбедени од буџетот на Република Северна Македонија преку Министерството за земјоделство, шумарство и водостопанство.
„Со оваа филтер-станица, како и со изградбата на филтер-станиците за општина Штип и за општина Лозово, ќе се заокружи првата фаза од повеќенаменскиот систем ‘Злетовица’, проектиран за снабдување со вода за пиење на 150.000 жители од Штип, Свети Николе, Пробиштип, Карбинци и од Лозово“, потенцира премиерот Спасовски.
Воедно, тој посочи дека во тек е и подготовката на втората и третата фаза од хидросистемот „Злетовица“. Втората фаза опфаќа изградба на систем за наводнување на речиси 4.000 хектари земјоделско земјиште, а со третата фаза е предвидена изградба на 6 хидроцентрали. Со ова ќе се заокружи повеќенаменскиот систем „Злетовица“, кој ќе биде целосно функционален и рентабилен.
„Обезбедувањето квалитетни услови за живеење, меѓу кои најважно е обезбедувањето чиста вода за пиење во секоја општина, е врвен приоритет на Владата на Република Северна Македонија. Владата на Република Северна Македонија има јасна цел и ја спроведува континуирано реализацијата на ваквите капитални проекти во соработка со општините. Тие се од огромна важност за унапредување на здравјето на граѓаните за подобрување на квалитетот на животот и животната средина на граѓаните, но и за развој на земјоделството бидејќи без вода нема модерно и квалитетно земјоделско производство“, истакна премиерот Спасовски на крајот од својата изјава.
Министерот за земјоделство, шумарство и водостопанство, Димковски, објасни дека оваа пречистителна станица е дел од повеќенаменски проект, хидросистемот „Злетовица“, и дека со приклучување на општина Карбинци трајно се решава долгогодишниот проблем со водоснабдувањето, особено во летниот период, бидејќи досега населението од оваа општина досега со воза за пиење се снабдуваше преку локални бунари.
„Објектот е лоциран во месноста наречена Висок Рид во општина Карбинци, односно помеѓу населбите Карбинци, Козјак и Радање. Со изградбата ќе се овозможи непречено снабдување со вода за пиење во населените места Карбинци, Козјак, Аргулица, Црвулево, Таринци, Долни Балван, Нов Караорман и Радање, во кои живеат околу 3.000 жители или 75 отсто од вкупниот број жители на општина Карбинци“, објасни министерот Димковски.
Министерот Димковски истакна дека ова е проект од 105,3 милиони евра, пари обезбедени преку буџетот на Министерството за земјоделство, шумарство и водостопанство.
„Обезбедувањето квалитетни услови за живеење, меѓу кои најважно е обезбедувањето чиста вода за пиење во секоја општина, е врвен приоритет на Владата на Република Северна Македонија. Токму повеќенаменскиот проект ‘Злетовица’, на кој интензивно работиме, ќе ја подобри лошата состојба со водоснабдување во североисточниот дел на државата, но со дел од фазите на кои се работи, ќе овозможи и зголемување на наводнуваните земјоделски површини“, потенцира министерот Димковски.
Градоначалникот на општина Карбинци, Јордан Насев, објасни дека рокот за изградба на пречистителната станица е до крајот на 2020 година.
„За да се стави во функција овој капитален објект, потребно е да се изградат: распределителни цевководи за дистрибуција на пречистената вода од излезниот базен до постојните резервоари за водоснабдување на населените места Карбинци, Козјак, Аргулица, Црвулево, Таринци, Долни Балван, Нов Караорман и Радање во должина од 17,8 километри и вредност на работите приближно 44 милиони денари и пристапен пат до должина од 2,3 километра за кои веќе Општината располага со проектна документација“, објасни градоначалникот Јордан Насев.
Градоначалникот Насев потенцира дека еднакво е важно што и самата технологија на пречистување – ултрафилтрација, како и влезната цена на водата од хидросистемот „Злетовица“, даваат можност за намалување на цената на водата за корисниците, со што ќе влијае поволно и на економската состојба на домаќинствата, корисници на оваа пречистителна станица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.