Спорт
Федерер првпат пред Роналдо и Меси по заработените пари

Роџер Федерер е на првото место на годишната листа на магазинот „Форбс“ како најплатен спортист откако заработи фантастични 106.3 милиони долари оваа година, за да стане првиот тенисер кој е на првото место по дебито на оваа листа од 1990 година.
Федерер заработи само 6.3 милиони долари во наградни фондови и фантастични 100 милиони долари од реклами, со што скокна од петтото место кое го држеше во 2019 година.
„Тој е совршен бренд. Кој може сака да биде блиску до него“, вели Дејвид Картер, професорот по спортски бизнис на УСЦ Маршал школата за бизнис.
Зад Федерер се неверојатни 13 бренда, вклучувајќи ги „Барилја“, „Моет & Шандон“ и „Римова“,к кои му плаќаат помеѓу 3 и 30 милиони долари. 38-годишниот ветеран заедно со пријателот Тајгер Вудс се двајцата активни спортисти кои успеале во една година да заработат 100 милиони само од спонзорства.
Федерер успеа да се искачи на првото место на оваа листа благодарение на корона вирусот, поради кој се стопираше светскиот фудбал, а Роналдо и Меси добија намалување на своите огромни плати.
ТОП 10 НА „ФОРБС“ ЗА 2020
1.Роџер Федерер (Шва, тенис), 106.3 милиони $
2.Кристијано Роналдо (Пор, фудбал), 105 милиони $
3.Лионел Меси (Арг, фудбал), 104 милиони $
4.Нејмар (Бра, фудбал), 95.5 милиони $
5.Леброн Џејмс (САД, кошарка), 88.2 милиони $
6.Стеф Кари (САД, кошарка), 74.4 милиони $
7.Кевин Дурент (САД, кошарка), 63.9 милиони $
8.Тајгер Вудс (САД, голф) 62.3 милиони $
9.Кирк Казинс (САД, американски фудбал), 60.5 милиони $
10.Карсон Венц (САД, американски фудбал), 59.1 милиони $
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан испратиле понуда за Бонифејс

Италијанскиот гигант Милан до крајот на преодниот рок ќе донесе уште еден напаѓач, бидејќи во овој момент во тимот има само една класична „деветка“, Сантијаго Хименез.
Изминатите недели со Милан се поврзиваа Расмус Хојлунд од Манчестер јунајтед и Душан Влаховиќ од Јувентус.
Но како што сега стојат работите, ниту еден од нив нема да пристигне на „Сан Сиро“.
Италијанските медиуми вечерва објавија дека Милан испратиле официјална понуда до Баер Леверкузен за нигерискиот напаѓач Виктор Бонифејс (24). Според овие извори, Милан за се подготвени да им платат на „аптекарите“ околу 30 милиони евра отштета.
Наводно, челниците на Милан и Бонифејс веќе постигнале договор за платата, а се чека „зелено светло“ од германскиот клуб.
Нигериецот е во Баер од 2023 година, кога пристигна од Унион Берлин, а пред да дојде во Германија играше и за норвешки Бодо/Глимт, кипарски Лефке и нигериски Реал Сафир. Тој одигра 13 натпревари за нигериската репрезентација.
Спорт
Даглас Луиз се сели во Нотингем Форест

Играчот од средниот ред на Јувентус, Даглас Луиз (27), треба да го финализира својот трансфер во Нотингем Форест во следните неколку дена, објавија италијанските медиуми.
Бразилецот пристигна во „Старата дама“ пред една година од Астон Вила во трансфер вреден 51 милион евра. Тој помина пет сезони во Вила и постигна 22 гола и додаде 24 асистенции.
Јуве очекуваше многу од Бразилецот, но тој на крајот се покажа како големо разочарување и еден од најлошите трансфери во историјата на славниот клуб од Торино.
Ни Тијаго Мота, ни Игор Тудор не успеаја да го извлечат максимумот од Далглас Луиз.
Иако неговиот договор е важечки до јуни 2029 година, Јуве одлучи дека е најдобро да го продаде додека сè уште може да добие значителна отштета за него. Иако раководството на „Старата дама“ се надеваше на сума од 40 милиони евра, се чини дека ќе се согласат со понудените 30 милиони, тврдат италијанските медиуми.
Даглас Луиз треба да потпише петгодишен договор со „шумарите“, а би имал поголема плата отколку во италијанскиот клуб.
Спорт
Македонија со победа ги заврши мундијалските предквалификации

Кошаркарската репрезентација на Македонија со победа го заврши претквалификацискиот циклус за Светското првенство. Вечерва цо СРЦ Кале во Скопје, Македнија ја победи Унгарија со 82:75. Првата победа, забележана во последното коло, не беше доволна Македонија да влезе во мундијалските квалификации, таму ќе играат Романија и Унгарија.
Македонија одигра добар меч против Унгарците. Со исклучок на воведните минути, Македонија го контролираше натпреварот. По водството на Унгарија (12:15), Македонија одговори со серија од 11:0 и до крајот не го испушти водството.
Во последниот период Македонија ја достигна и највисоката предност од 17 поени (76:59).
Вајле ја предводеше Македонија со 23 поени, по 14 постигнаа Митревски и Ташковски.
Foto/ kfsm.mk