Свет
(Видео) Националната гарда сè побројна на улиците во Вашингтон
Националната гарда е забележана на улиците на Вашингтон по деновите на насилни немири низ десетици американски градови додека американскиот претседател Доналд Трамп размислува за распоредување дополнителни трупи за да се справат со немирите, пренесува РТ.
Голем број оклопни воени возила и возила со војници вчера вечер беа видени во близина на Белата куќа во видеата објавени на социјалните мрежи нешто повеќе од еден час пред да стапи на сила новиот полициски час во градот во 19 часот.
The National Guard has arrived. This is between the Executive Office Building and the White House. pic.twitter.com/2HXXRLABYB
— Philip Crowther (@PhilipinDC) June 1, 2020
Целата Национална гарда на Вашингтон – околу 1.700 војници – беше повикана во главниот град доцна во неделата за да ѝ помогне на полицијата да се справи со толпите демонстранти кои изразија бес поради смртта на Џорџ Флојд од рацете на полицијата во Минеаполис.
Присуството на гардата на улиците се очекуваше да биде побројно во понеделникот, меѓутоа, бидејќи безбедносните сили претходните ноќи се бореа да ги контролираат непослушните толпи, во еден момент ја принудија Белата куќа да активира режим на ограничено движење.
Motorcade of National Guard vehicles and troops heading downtown on E Capitol St about two hours before the DC curfew goes into effect. Every vehicle including the bus at the end was full of armed guards. Stay safe out there. #dcprotest pic.twitter.com/JsOtjvc1nl
— Sarah Trister (@SarahTrister) June 1, 2020
Додека немирите поради полициската бруталност зафаќаат град по град – честопати преминувајќи во подметнување пожари, грабежи и судири со полицијата – американскиот претседател Доналд Трамп размислува да се повика на Законот за бунт, правен акт од 19 век што ќе му овозможи да распореди активни трупи за да ги смири хаосот и немирите, пренесува „Ен би си њуз“.
Законот последен пат беше активиран за време на немирите во 1992 година во Лос Анџелес.
Во изненадувачко обраќање до нацијата, Трамп рече дека ќе ја распореди војската за да ги запре немирите во Вашингтон и дека ќе интервенира о на други места ако локалните власти не успеат да го вратат редот по деновите немири. Според сите индикации, тој допрва треба да се повика на Законот за бунт.
Активни војници и воена полиција веќе се преместени во област надвор од Вашингтон и се ставени под засилен статус на подготвеност, но сè уште не се распоредени, објави Ројтерс, повикувајќи се на висок официјален претставник на одбраната.
Large number of military humvees stationed in front of DC Armory right now. Police Chief says he expects larger National Guard deployment across the District tonight after Mayor Bowser called Secretary of the Army to discuss last nights operations. @Fox5DC pic.twitter.com/YoHSwY9pRN
— Tom Fitzgerald (@FitzFox5DC) June 1, 2020
Трамп е фрустриран од државните гувернери затоа што не зазедоа поагресивен пристап, тврдејќи дека тие мораа да доминираат на немирите, и додавајќи: „Мора да уапсиш луѓе, мора да следиш луѓе, мора да ги ставиш во затвор 10 години и никогаш повеќе нема да видите вакви работи. “
Од понеделникот, над 17.000 војници на Националната гарда се распоредени во најмалку 23 држави и во Вашингтон за да управуваат со превирањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Крим ја повика Русија да отвори истрага против Зеленски за тероризам
Претседателот на Кримската меѓуетничка мисија Заур Смирнов изјави дека мисијата ја повикала Русија да отвори кривична постапка против украинскиот претседател Володимир Зеленски за тероризам на руски територии.
„Зеленски води и насочува терористички активности против Крим и други руски области кои резултираа со човечки жртви. Оваа активност треба да биде предмет на кривично гонење и истрага. Верувам дека руските истражни органи треба да отворат кривична постапка против Зеленски“, рече Смирнов.
Кримската меѓуетничка мисија се состои од неколку јавни организации, а е основана со цел да се постигне „меѓуетничка хармонија“ на Крим, пренесува ТАСС.
Свет
(Видео) Невидени поплави во Бразил: „Ова е катастрофа, ќе се влошува“
Десет лица загинаа, а 21 се водат за исчезнати по обилните дождови кои предизвикаа бројни поплави и лизгање на земјиштето оваа недела во јужната бразилска држава Рио Гранде до Сул, а локалните власти предупредуваат дека ситуацијата е критична и може да се влоши.
На прес-конференцијата во средата, гувернерот на државата Едуардо Леите рече дека разговарал со претседателот Луис Инасио Лула да Силва барајќи секаква можна федерална помош.
Quem está no Rio Grande do Sul, se proteja. Fiquem em locar seguro. Tomo todos os cuidados possíveis. Por pouco não aconteceu uma tragédia, neste caso. pic.twitter.com/cy2TEwSf2m
— Tumulto BR (@TumultoBR) May 1, 2024
„Поминуваме низ најлошиот момент во Рио Гранде до Сул, најголемата катастрофа во нашата историја. Она што се случува во Рио Гранде до Сул во моментов е апсолутно, незамисливо, крајно сериозно. И за жал, само ќе се влоши“, рече Леите.
O dilúvio no Rio grande do Sul não está poupando nem os porcos! pic.twitter.com/QBsHYpr2GC
— Ney (@neydux17) May 1, 2024
Според гувернерот, невремето предизвикало најголемо уништување во државата во последните години, оставајќи неколку градови изолирани по уривањето на мостовите и уништените патишта.
Maior enchente já registrada na minha cidade no Rio Grande do Sul tive que socorrer os bichinhos da minha cunhada pic.twitter.com/oKefGh7aJA
— henrique Rhoden (@henriqueRhoden3) May 1, 2024
Властите избројаа повеќе од 3.400 раселени лица откако бурите предизвикаа покачување на нивото на реките и поплави во различни делови на земјата, погодувајќи 114 општини.
Во извештајот во вторникот, државната влада предвиде ризик од поплави „практично низ целата држава“ со оглед на изгледите за продолжување на „обилните врнежи“ во наредните денови.
Que coisa triste, meu Deus do céu
Eu espero que todo mundo que esteja fazendo piada com a situação do Rio Grande do Sul veja esse vídeo e repense pic.twitter.com/5E4DGleHSO
— O Bon Vivant MuitoHumilde (@muitohumildee) May 2, 2024
Во извештајот се наведува и дека поплавите ќе бидат сериозни во сливовите на многу реки, а можни се поројни поплави и масовни лизгања на земјиштето во регионите со стрмни падини.
Свет
Хамас веројатно ќе го отфрли последниот предлог за договор за заложници, пишува „Тајмс оф Израел“
Хамас најверојатно ќе го отфрли последниот предлог за договор за заложници, подготвен од посредниците, кој доби зелено светло од Израел, пишува „Тајмс оф Израел“.
Осама Хамдан, функционер на Хамас со седиште во Либан, за телевизијата Ал-Манар, поврзана со Хезболах, изјави дека позицијата на Хамас за сегашниот предлог за преговори е негативна.
Од прес-службата на Хамас подоцна појаснија дека негативната позиција не значи дека преговорите се прекинати.