Црна хроника
Охриѓанец иселен од дома оти пијан се заканувал дека ќе го убие семејството
Охриѓанец е иселен од својот дом во охридското село Лескоец бидејќи пијан се заканувал дека ќе го убие семејството и дека ќе ја запали куќата.
Инцидентот се случи на 19 јануари кога педесет и едногодишниот охриѓанец пијан почнал да ги навредува членовите на своето семејство, им се зканувал дека ќе ги убие и дека ќе ја запали куќата, а кон нив фрлал делови од покуќнината и други предмети. Основниот суд донесе решение како заштитни мерки да му се изречат отстранување од домот без оглед на сопственоста, забрана за заканување дека ќе стори семејно насилство и задолжително лекување од алкохолизам. Мерките ќе траат една година а ќе бидат спроведувани од страна на СВР Охрид, Центарот за социјални работи Охрид и подрачните медицински установи во Охрид при Министерството за здравство./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Прегазена жена од Куманово, со тешки повреди пренесена во болница
Вчера, во 12.00 часот во СВР Куманово било пријавено дека на крстосницата од улицата „Пелинска“ и улицата „Ленинова“ во Куманово, патничко возило „фолксваген туран“ со бугарски национални ознаки, управувано од 42-годишниот И.В., удрило во пешакот, 75-годишната Р.М., двајцата од Куманово, извести МВР.
„Во несреќата со тешки телесни повреди се здобила Р.М. констатирани во Општа болница Куманово“, соопшти МВР.
Извршен бил увид од увидна екипа од СВР Куманово.
Црна хроника
Излажале дека се полицајци и измамиле жена за 100 илјади денари, двајца уапсени во Куманово
На 02.06.2024 во 20.00 часот, полициски службеници од СВР Куманово го лишиле од слобода И.Ф.(52) од Куманово, додека на 03.06.2024 на Граничен премин Табановце бил задржан С.Ш.(57) од Штип, извести МВР.
„Тие се сомничат дека на 01.06.2024 измамиле 79 – годишна жена од Куманово за сума од 100.000 денари. Тие ѝ се јавиле на телефон и претставувајќи се како вработени во полиција и ги побарале парите за да помогнат нејзината ќерка да не оди во затвор за наводна сообраќајна несреќа во која учествувала, а во која настрадало дете“, соопшти МВР.
Лицата биле приведени во полициска станица и по целосно документирање на случајот против нив ќе следуваат соодветни пријави.
Црна хроника
„Голф“ излета од локален пат кај селото Оризаре, тешко повредена жена
Вчера во 15.40 часот во СВР Куманово било пријавено дека на локалниот пат село Опае-село Оризаре, липковско, на место викано „Розафа“, патничко возило „фолксваген голф“ со кумановски регистарски ознаки, управувано од 46-годишниот Р.С. од село Оризари, излетало надвор од коловозот, извести МВР.
„Во несреќата со тешки телесни повреди се здобила неговата сопатничка Р.С.(43) од с.Оризари констатирани во Општа болница Куманово“, соопшти МВР.
Извршен бил увид од увидна екипа од СВР Куманово.