Спорт
ПЛ го објави распоредот: Две дерби пресметки во првите два дена
Премиер лигата го објави распоредот за првите три кола кои ќе бидат одиграни по паузата која ја предизвика коронавирусот.
Сезоната во Премиер лигата ќе продолжи во среда на 17 јуни. Првиот ден гледачите ќе можат да уживаат во дербиот помеѓу Манчестер сити и Арсенал. Овој дуел на програмата е во вечерниот термин од 20.45 часот. Пред дербито од 18 часот својот натпревар ќе го одиграат Астон Вила и Шефилд Јунајтед.
Дерби ќе има и наредниот ден, на 18 јуни од 20.45 часот Тотенхем ќе го пречека Манчестер Јунајтед.
Во саботата на програмата ќе бидат четири натпревари, а во недела од 19 часот е дербито на Мерсисајд помеѓу Евертон и Ливерпул.
Натпревари ќе има секој ден во Премиер лигата, а според програмата дерби ќе има и на 25 јуни кога Менчестер сити ќе гостува кај Челси.
На 2 јули ќе се сретнат Манчестер сити и Ливерпул.
The #PL will restart behind closed doors on 17 June if all safety requirements are in place
The Premier League today confirmed the fixtures for the first three match rounds of the resumed 2019/20 season
All 92 matches will be broadcast live in the UK ➡ https://t.co/MhXpFrg2nu pic.twitter.com/5cYPDij53a
— Premier League (@premierleague) June 5, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клаузула од милијарда евра за еден од најголемите светски таленти
Пау Кубарси (17) е новиот супер талент клупската академија на Барселона, Ла Масија. Шпанскиот стопер оваа сезона забележа 30 настапи за тпрвиот тим.
Кубарси има договор со Барселона до јуни 2026 година, а трансфер инсајдерот, Фабрицио Романо најави дека клубот сака што е можно побргу фудбалерто да потпише нов договор.
Деко, спортскиот директор на Барселона, ги договорил условите со менаџеорот на Кубарси пред две недели. Романо откри дека моментално се средуваат деталите и дека
тинејџерот наскоро треба да потпише договор кој ќе има вградена откупна клаузула од една милијарда евра.
Секако, Барселона не мисли дека некој ќе ја плати таа сума за играчот, туку сака да го заштити за да не може некој да му и „украде“ во случај да стави помала клаузула.
„Трансфермаркт“, веб-страница специјализирана за вредноста на фудбалерите, го проценува Кубарси на 25 милиони евра.
Спорт
Ерлинг Халанд станува лик во култната видео игра
Еден од најдобрите напаѓачи во светот, играчот на Манчестер Сити, Ерлинг Халанд (23), не е на нивото од минатата сезона, поради што неодамна беше мета на критики, пред се од поранешните играчи кои денес ги анализираат натпреварите за ТВ куќите.
какви стандарди постави Халанд минатата сезона најдобро покажува податокот дека оваа сеозна често го критикуваат, а тој има постигнато вкупно 32 гола (21 во Премиер лигата) на 40 настапи во сите натпреварувања.
Вредноста на Халанд за Манчестер Сити, со кого има договор до 2027 година, не е само на теренот, туку Норвежанецот е еден од најпопуларните фудбалери во светот, а неговиот маркетиншки потенцијал е огромен, а тоа го покажува и веста дека ова недела Халанд станува лик што може да се игра во видео играта „Clash of Clans“.
Ова е првпат во играта да се додаде вистинска личност, а Халанд ќе стане ликот на „Кралот на варварите“ во текот на месец мај.
Халанд ја игра „Clash of Clans“ повеќе од десет години и стапи во контакт со „Supercell“, финските програмери кои стојат зад популарната игра, за да формираат партнерство.
„Кога слушнавме дека Ерлинг Халанд е обожавател на нашата игра и сака да биде партнер со нас, тоа навистина беше сценарио од соништата“, изјави Стјуарт Мекгау, генерален директор на „Clash of Clans“.
Халанд имал десет години кога првпат ја открил оваа игра, а активно учествува и денес.
„Јас сум голем обожавател на играта долго време и знам сè за неа, така што е навистина кул да се појавиш како лик во играта“, рече Халанд.
Спорт
Салах му викал на Клоп: Ќе добијам црвен картон
Вест Хем и Ливерпул во Лондон минатата сабота одиграа 2:2 во 35. коло од Премиер лигата.
Тренерот на Ливерпул, Јирген Клоп, направи тројна замена две минути откако неговиот тим го прими вториот гол. Меѓу другите, во тој момент во игра влезе и најголемата ѕвезда на Ливерпул, Мохамед Салах.
Репрезентативецот на Египет пред да стапне на теренот влезе во жестока расправија со Клоп, тој момент го уловија камерите.
Англиските медиуми се занимаваа со ситуацијата неколку дена по натпреварот, анагжираа професионален читач од усни.
Тој откри дека Клоп го прекорувал Салах затоа што бил премногу бавен за да се подготви за натпреварот, по што почнала расправијата.
„Не можам да сторам ништо околу тоа“, рекол Салах, а одговорот на Клоп не е забележан на камерите. Меѓутоа рекол нешто што го вознемирило Салах, толку многу, што почна да вика дека ќе добие црвен картон кога ќе влезе:
„Ќе, ќе добијам црвен картон. По седум години, по седум години играње, по седум години играње“, викал египетскиот напаѓач.
Потоа ситуацијата ја смири соиграчот Дарвин Нуњез.
По натпреварот, Салах прошета низ микс зоната, но одби да одговара на новинарски прашања.
Само кратко им дофрли на насобраните новнари: „Ако зборувам денеска, ќе има оган“.