Кошаркарите на Јута ги победија Чикаго Булс со 150:147 (127:127), по две продолженија, во најефикасниот натпревар од стартот на сезоната во НБА лигата.

Херој на средбата беше Кеонте Џорџ, кој ја погоди клучната тројка на две секунди пред крајот.

Лаури Марканен одигра феноменално и го заврши натпреварот со 47 поени, додека Џорџ додаде 32, вклучувајќи шест во второто продолжение.

Ајзеа Колиер и Брајс Сенсабо постигнаа по 16, а Кевин Лав и Сви Михајлјук по 10 поени.

Јута ја забележа втората победа во последните три натпревари.

За Чикаго, Коби Вајт беше најдобар со 27 поени, додека Џош Гиди оствари трипл-дабл од 26 поени, 12 скока и 13 асистенции.

Никола Вучевиќ постигна 21 поен, Матас Бузелис и Ајо Досунма постигнаа по 18, а Џулијан Филипс постигна 10.

Во првото продолжение, Вајт погоди на 0,2 секунди до крајот за резултат 136:136, а во второто, погоди две слободни фрлања на 8,4 секунди до крајот за израмнување на 147:147. Сепак, во следниот напад, Џорџ ја погоди клучната тројка, додека Вучевиќ промаши шут за израмнување.

Резултати:

Сан Антонио – Сакраменто 123:110
Вашингтон – Бруклин 106:129
Хјустон – Орландо 117:113 (102:102)
Њу Орлеанс – Голден Стејт 106:124
Далас – Портланд 138:133 (118:118)
Финикс – Атланта 122:124
Јута – Чикаго 150:147 (127:127)

Норвешките фудбалери го потврдија своето место на Светското првенство, со убедлива победа од 4:1 во Милано над Италија. Норвешка во голем стил ги мина овие квалификации, со максимален учинок од осум победи и гол разлика 37:5.

На „Азурите“ им беше потребна победа од 9:0 на „Сан Сиро“ за првото место во Група И. И покрај водството, не освоија ниту еден бод. Исто како во Осло, во јуни, кога Норвешка победи со 3:0.

Избраниците на Столе Солбакен направија пресврт во второто полувреме, со два гола постигнати од Ерлинг Халанд.

Франческо Пио Еспозито го израдува домашниот тим во 11-та минута и тоа бее се од нив на овој натпревар. Во овој момент Норвешка е многу подобра селекција од нив.

Италија целосно се затвори во второто полувреме од натпреварот и беше само прашање на време кога Норвежаните ќе направат пресврт во Милано.

Антонио Нуса го совлада Џанлуиџи Донарума во 63-та минута, пред Халанд да постигне два гола во 78-та и 80-та минута.

Точка на натпреварот стави Јорген Странс Ларсен во третата минута од судиското продолжение.

Италија сега мора да оди во плејофот за да се пласира на своето прво Светско првенство по Бразил 2014, додека Норвешка се пласираше на завршниот турнир прв пат во овој век. Норвежаните не играле на СП од Франција во 1998 година.

Во вториот натпревар од групата, Израел беше подобар од Молдавија со резултат од 4:1.

Фудбалерите на ДР Конго се квалификуваа за интерконтиненталниот плејоф за Светското првенство, откако ја победија Нигерија во финалето на африканскиот плејоф во Рабат..

Во финалниот меч од плејофот, Конгоанците ја победија Нигерија по изведувањето пенали.

По 120 минути, резултатот беше 1:1, а Конго потоа славеше по шест серии пенали со 4:3.

Конго има шанса по прв пат да настапи на планетарната смотра под ова име. Тие учествуваа во 1974 година во Германија, но тогаш под името Заир и ги претрпеа сите три порази во групата.

Нигерија поведе во третата минута со голот на Френк Оњека, а Машак Елија израмни во 32-та минута.

Во втриот дел селекторот на Нигерија изврши неразбирливи измени. Најдобриот играч Осимен во соблекувалната го остави по првиот дел, а во раната фаза од второто полувреме од игра ги извади Чуквуезе, Лукман и Ивоби.

Конгонаците во вториот дел и продолженијата беа подобриот ривал, имаа неколку панси кои не ги искористија.

Во пенал серијата, во основниот дел двете репрезентации не реализираа по два пенали, а во шестата херој на Конго стана резервниот голман Фајула (влезе во игра во 120-та минута). Тој го одбрани пебалот на Сами Аџаји.

CONGO DR WIN THE CAF PLAYOFF FINAL 🇨🇩

THEY ADVANCE TO THE INTERCONTINENTAL PLAYOFFS IN MARCH WITH THEIR WORLD CUP DREAM STILL ALIVE 🔥 pic.twitter.com/z4o915J1zR

— ESPN FC (@ESPNFC) November 16, 2025