Демократскиот сојуз предлага наместо ригорозни рестриктивни мерки, полициски час и забрани за движење – кампања за информирање и едукација на граѓаните за почитување на мерките и препораките за заштита и спречување на ширењето на Корона вирусот, Ковид 19.

„ Без разлика што поголемиот број граѓани знаат како да се заштитат од вирусот, сепак има граѓани кои не се доволно информирани за опасноста од вирусот и како да се заштитат себеси и другите со кој комуницираат.

Затоа Демократскиот сојуз предлага да се подготви јасна препорака за самозаштита и заштита на другите од можна инфекција од вирусот Ковид 19.

Во информирањето и едукацијата на граѓани да се вклучат:

1. Медиумите: ТВ и радио станиците, порталите, печатените медиуми и социјалните мрежи.
2. Преку телефонските оператори секојдневно да се испраќаат до сите граѓани едукативни пораки (преку маил, смс пораки и другите социјални мрежи).
3. Сите министерства и другите државни институции (посебно Центарот за управување со кризи, МВР, МО и др.), општините и месните заедници, како и штабовите за цивилна заштита да се вклучат во едукацијата на граѓаните.
Посебно е битна улогата на полицијата која со предупредување за почитување на мерќите ќе влијае превентивно.
4. Министерството за здравство, здравствените установи (од јавното и приватното здравство), посебно матичните лекари, педијатри, гинеколози, стоматолози и другите да ги едуцираат сите свои пациенти со доставување на препораки преку емаил или телефон.
5. Верските заедници преку своите службеници, секојдневно да ги информираат и едуцираат своите верници и пошироко.
6. Универзитетите, средните и основните училишта да ги едуцираат студентите и учениците преку праќање на маилови, смс пораки итн.
7. Политичките партии со јавни настапи, информирање и едукација пошироко, но и нивните членови, можат многу да придонесат во спречување на ширенје на вирусот и борбата против лажните вести, теориите на заговор и сл.
8. Невладините организации можат да помогнат во информирањето и едукцијата на граѓаните преку планирани активности со вклучување на експерти и сл.

Само со јасна стратегија и препораки, информирање и едукација на граѓаните, како и доследна примена на препораките ќе се заштити здравјето на граѓаните, ќе се спреши ширењето на Корона вирусот и ќе се нормализира животот.

Со целосно и точно информирање на граѓаните за неопходните мерки и препораки, како и детално образложение зошто се преземаат, можна е ефикасна борба и победа над епидемијата.

ДС смета дека мора сите да се вклучиме во превенцијата за побрзо да излеземе од здравствената, економската и социјалната криза“ наведува партијата.