Свет
Иран се подготвува да се судри со Израел во Сирија преку Хезболах

Иран можеби се подготвува за конфликт со Израел во Сирија и веќе нема да толерира израелски воздушни напади врз своите магацини без реакција, се вели во извештајот објавен викендов, пренесува „Џерусалем пост“.
Новинарот Елаја Магниет објави статија на веб-страницата „Медиум“ за тоа дали големата блискоисточна војна ќе почне во Левант и ја наведе Сирија како потенцијален епицентар.
Извештајот на Магниер е интересен затоа што тврди дека Иран ги евакуира местата на собири на своите советници, но не за повлекување или за прераспоредување, туку да најде бази во касарните на сириската армија. Хезболах ги презеде испразнетите ирански згради. Русија е информирана за промената, така што информациите сигурно стигнале до Израел.
Во средината на мај се појавија извештаи дека Иран би можел да повлече дел од своите сили од Сирија, проценети на околу 1.000 припадници на ИРГЦ. Но, аналитичарите и американските официјални претставници во тоа време ја отфрлија оваа процена. Магние дава друг аспект за тоа што може да се случи: „Иран повеќе не сака да толерира израелски штрајкови на своите магацини без никаква реакција“, вели тој.
Иранското радио „Фарда“ викендот извести за воздушен напад во кој биле убиени девет војници од силите поддржани од Иран во Сирија. Овој извештај наведува и дека имало експлозии во близина на Масјаф, објект на сирискиот режим и на Иран.
Друга воздушен напад, за кој е обвинет Израел, бил пријавена вчераутро. Сириската опсерваторија за човекови права соопшти дека осум бојни глави лансирани од неидентификувани беспилотни летала удриле во близина на Деир ез-Зор. Целта биле авганистански и ирачки шиитски милиции во базата „Мезилех“.
„Иран ги премести своите советници во бази на сирискиот режим за да ги заштити од воздушните напади на кои сирискиот режим би одговорил и ова, најверојатно, ќе ги одвлече САД во битка за да го поддржат својот сојузник Израел и да имаат влијание врз претстојните избори“, напиша Маниер.
Русија игра клучна улога затоа што се координира со Израел, напиша тој.
„Беше договорено меѓу Израел и Русија дека Москва и воздушната база на Русија во „Хмеимим“ ќе бидат информирани за деталите за секој напад. Според тоа, Русија игра посредник, а не дел од оската на отпорот на Иран и им кажува на своите сојузници од сирискиот режим што се случува.
„Русија ги извести израелските водачи за овој потег на иранските советници и за нивното присуство меѓу единиците на сириската армија. Русија го предупреди Израел никако да не ја нападне сириската армија и ги извести дека иранските бази му се предадени на Хезболах“, напиша Маниер.
Написот на Магние има поголема поента. Хезболах сериозно го сфаќа убиството на своите борци.
„Израелските беспилотни летала се осигуруваат дека на овие локации нема ирански советници и дека руското предупредување стигнало до засегнатите да го евакуираат човечкиот персонал… Израел ја следи истата практика кога ги напаѓа автомобилите или камионите на Хезболах, однапред предупредувајќи ги возачите и патниците“, вели тој.
Предупредувачките проектили се лансирани, се вели во извештајот. Но, по инцидентот во Бејрут во август 2019 година, во кој беа вклучени беспилотни летала, Хезболах се обиде да се одмазди. Хезболах складира ракети и прецизни насочувачи, беспилотни летала, антибродски ракети со долг дострел и друга муниција, напиша Магние.
Хезболах верува дека има средства за спречување и нови правила на ангажман, кои ги штитат неговите луѓе во Сирија. Сепак, војните може да почнат по грешка, заклучува статијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Голем број деца исчезнаа во поплавите во Тексас, потврдени 27 жртви

Околу 27 луѓе, меѓу кои и девет деца, загинаа во поплавите во централниот дел на Тексас, соопштија властите денеска, додека спасувачите продолжуваат со потрагата по преживеани, вклучително и десетици исчезнати од летниот камп за девојчиња.
Канцеларијата на шерифот во округот Кер во Тексас соопшти дека повеќе од 800 луѓе се евакуирани од регионот додека нивото на водата се повлекува од подрачјето околу реката Гвадалупе, околу 137 километри северозападно од Сан Антонио.
„Нема да застанеме додека не ја најдеме и последната личност“, изјави шерифот на округот, Лери Леита, на прес-конференција.
Исчезнати девојчиња од летниот камп
Од 23 до 25 лица од летниот камп Mystic Summer се водат како исчезнати, од кои повеќето се девојчиња. Нивото на реката нагло се зголемило за девет метри во близина на кампот.
Американската национална метеоролошка служба соопшти дека вонредната состојба поради поплавите главно е завршена за округот Кер – епицентарот на поплавите, откако бурата донесе околу 30 сантиметри дожд рано во петокот. Но, за поширокиот регион останува во сила предупредувањето за поплави до 19 часот попладне.
Округот Кер се наоѓа во Texas Hill Country – рурална област позната по нерамниот терен, историските градови и други туристички атракции.
Обемна спасувачка операција
Заменик гувернерот на Тексас, Дэн Патрик, изјави дека 500 спасувачи трагаат по непознат број лица кои сè уште се водат како исчезнати, вклучувајќи и многу кои биле во подрачјето покрај реката прославувајќи го Денот на независноста.
Американскиот претседател Доналд Трамп изјави дека федералната влада работи со Тексас и локалните шерифи за одговор на поплавите.
„Меланија и јас се молиме за сите семејства погодени од оваа ужасна трагедија. Нашите храбри спасувачи сè уште се на терен и го прават она што најдобро го знаат“, напиша тој на социјалните мрежи.
Поплави без предупредување
Далтон Рајс, градоначалник на Кервил, центарот на округот, изјави за новинарите во петокот дека екстремните поплави го погодиле подрачјето пред зори, речиси без предупредување, поради што властите не успеале навреме да издадат наредби за евакуација. Реката Гвадалупе за помалку од два часа пораснала над нивото кое се смета за голема поплава.
Фото: ЕПА
Свет
Невреме во Турција: Авион принудно слета по удар од гром

Авионот, кој летал од Анкара до Бингол во Турција, извршил итно слетување на аеродромот Елазиг откако бил погоден од гром.
Пилотот, откако гром удрил во опашниот дел од авионот, ја променил рутата и од безбедносни причини слетал на аеродромот во градот Елазиг, објави Хабер.
Авионот слета без никакви проблеми, а патниците беа транспортирани од аеродромот до Бингол по копнен пат, објавија турските медиуми.
Свет
Голема свадба на синот на Рамзан Кадиров: Дијамантски часовник од 27 милиони долари, златен пиштол и луксузен Мерцедес

Седумнаесетгодишниот син на лидерот на Чеченија, Рамзан Кадиров, Адам Кадиров, се ожени со девојка по име Медни, за која се верува дека е роднина на пратеникот во Думата, Адам Делимханов, близок сојузник на Кадиров.
Свадбата траела три дена, од четврток до сабота, и се одржала во селото Ахмат-Јурт , родното место на семејството Кадиров.
Според неофицијални информации, Медни е ќерка на чеченскиот сенатор Сулејман Геремеев, исто така близок сојузник на Кадиров и роднина на Делимханов. Наводно, бракот бил склучен уште на 8 јуни 2024 година.
Подготовките за прославата траеле со месеци, а покани биле испратени и до делегации од Блискиот Исток, вклучувајќи го и амбасадорот на ОАЕ во Русија, Мохамед Ахмед Ал Џабер, кој го прекинал одморот во Абу Даби за да присуствува на настанот во Грозни, пишува „Новаја Газета“, повикувајќи се на извор од руското Министерство за надворешни работи.
Свадбата наводно била одложувана двапати, при што една од причините била желбата на Рамзан Кадиров неговиот син Адам да има приватна средба со претседателот на Русија, Владимир Путин. Се споменува и дека првично била планирана заедничка свадба со постариот син Зелимхан (Ели) минатото лето, но Кремљ тоа не го одобрил поради возраста на Адам.
Рамзан Кадиров преку својот канал на Телеграм соопшти дека претседателот Путин лично му честитал на семејството за свадбата, за што изразил „искрена благодарност“.
Сепак, најголемо внимание привлекоа луксузните детали: на раката на Адам Кадиров бил забележан скап часовник Jacob & Co. Billionaire Ashoka со 320 дијаманти, проценет на околу 27,7 милиони долари. Според пресметките на Марија Певчих од руската антикорупциска организација ФБК, просечен граѓанин на Чеченија би требало да работи повеќе од 1.500 години без да потроши ни денар за да може да си го дозволи тој часовник.
Командантот на специјалната единица „Ахмат“, Апти Алаудинов, исто така го привлекол вниманието со својот часовник, за кој се претпоставува дека е Badollet Observatoire 1872 Chronograph, со цена до 320.000 долари.
Видеа од свадбата го прикажуваат Адам Кадиров како вози специјална верзија на Mercedes G-класа, модел кој е забранет за увоз во Русија и чини околу 190.000 долари. На истите снимки се гледа и како пука со златен пиштол во воздух – што е забрането со рускиот закон, особено бидејќи се работи за малолетник и за употреба на вистинско оружје во свечени прилики.
Иако е малолетен, Адам Кадиров веќе извршува повеќе функции: тој е шеф на безбедносната служба на својот татко, од април 2025 година е секретар на Советот за безбедност на Чеченија и надзорник на Министерството за внатрешни работи и универзитетот за специјални сили. Тој е и носител на бројни државни одликувања и титулата Херој на Чеченската Република.