Македонија
Чулев: Дисциплински постапки ќе бидат поведени за полицајците што дозволиле во Чаир луѓе да си пазаруваат во продавница
По тридневниот карантин во Скопје, Министерството за внатрешни работи ќе поведе дисциплински постапки за полицајците што не ги казниле лицата во Чаир што пазарувале во продавница. Неколку медиуми вчера јавија дека и покрај карантинот и забраната за движење, во Чаир работат продавници, а граѓаните влегуваат и си пазаруваат како во деновите без ограничување иако полициска патрола стоела на само неколку чекори од продавницата.
Техничкиот министер за внатрешни работи, Наќе Чулев, вели дека ќе преземат мерки за полицајците оти само тоа е нивна надлежност.
„За полициските службеници, кои не постапиле во однос на лицата, ќе биде поведена дисциплинска постапка и ќе се утврди нивна евентуална одговорност“, најави министерот Чулев.
Тој не кажа за колку полицајци ќе поведе дисциплинска постапка.
Нагласи дека локалните продавници добиваат дозволи за работа за време на полициски час од локалните кризни штабови, но дозволите не значат дека во дуќаните е дозволена продажба, туку дека дозволено им е да работат само со достава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.