Спорт
Мбапе вреди најмногу, Меси е на 22, а Роналдо на 70 место
Фудбалскиот институт за историја и статистика (ЦИЕС) се занимаваше со цените на фудбалерите. Очекувано цените на пазарот паднаа како последица на пандемијата што ја предизвика вирусот Ковид-19.
На листата што ја објави ЦИЕС само еден играч вреди преку 200 милиони евра, а над 100 милиони се проценети 22 фудбалери. Највозрасен фудбалер на оваа листа е Кристијано Роналдо.
Најскап играч во светот е Килијан Мбапе, според ЦИЕС тој вреди 259,2 милиони евра. Зад него е Рахим Стерлинг (194,7 милиони евра), а трет е уште еден Англичанец, Џејдон Санчо (179,1 милиони евра).
Следуваат Трент Алексдандер-Арнолд (170), Маркус Рашфорд (150), Мохамед Салах (145), Садио Мане (140), Антоан Гризман (136) и 19 годишната сензација од Баерн Минхен Алфонсо Дејвис. Овој Канаѓанец е проценет на 133 милиони евра.
Пред неколку месеци анонимниот Дејвис зад себе ги остави Хари Кејн, Роберто Фирмино, Бернардо Силва, Габриел Жесус, Жоао Феликс, Ерлинг Халанд, Серж Гнабри, Бруно Фернандеш, Матијас Де Лихт, Мејсон Маунт, Френки Де Јонг, Родри и Лионел Меси.
Аргентинецот е проценет на 100,1 милиони евра и е последен од фудбалерите што според ЦИЕС вреди повеќе од 100 милиони.
Кристијано Роналдо на оваа листа се наоѓа на 70. Според ЦИЕС Португалецот вреди 62,8 милиони евра.
Интересно е што далеку од првите 25 места се и Еден Азар, Роберт Левандовски, Кевин Де Брујне…
Комплетната листа на ЦИЕС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.
Спорт
Вардар 1961 лесно славеше во дербито со Еурофарм Пелистер
Вардар 1961 го доби првото дерби во првенствот против Еурофарм Пелистер оваа сезона. Црвено-црните во Скопје славеа со 27:24 (15:11).
Првото полувреме, во кое Вардар1961 одигра речиси беспрекорно во одбраната, со која диригираше голманот Еспиња, му ја трасираше победата на домашниот тим. Еспиња во првото полувреме забележа седум одбрани, а сето тоа го зачини во финишот на второто полувреме кога одбрани два седмеци (Радивијевиќ, Кузмановски) и ги спречи играчите од Битола да внесат неизвесност во натпреварот.
Вардар 1961 прв пат се одлепи од протиникот во десеттата минута кога стекна предност од три гола (5:2, 6:3). На десет минути до крајот на првиот дел црвено-црните дојсоа до највисоката предност 11:6.
Првата половина од вториот дел им припадна на играчите на Пелистер, во 45.минута се доближија на гол негатива (20:19). Црвено-црните експресно се консилидираа и со серија 5:2 го одбија нападот на противникот.
Марко Срдановиќ го предводеше Вардар 1961 со осум гола, три помалку постигна ветеранот Гоце Георгиевски. Кај Пелистер најдобри беа репрезентативците Никола Митревски со десет одбрани и Филип Кузмановски зсо седум гола.