Вести
MSF: Еболата се шири побрзо од нашите способности да и’ се спротиставиме
![](https://makfax.com.mk/wp-content/uploads/2016/11/ebola20lekari.jpg)
Епидемијата не хеморагиската треска ебола во западна Африка се шири побрзо од нашите способности да и’ се спротиставиме, предупреди во петокот директорката на меѓународната невладина организација Лекари без граници, Жоан Лиу по десетдневната посета на регионот, а истовремено Светската здравствена организација соопшти дека нејзините лекари коишто со еболата се справуваат во западна Африка, забележуваат оти извештаите за бројот на заразени и починати лица многу ги потценуваат димензиите на епидемијата.
„Инфраструктурата е целосно недостапна“, изјави Лиу и оцени дека „доколку ситуацијата во Либерија не се стабилизира, регионот никогаш нема да биде стабилизиран“. „Тоа е само врвот на ледениот брег“, предупреди челничката на организацијата.
Според процените на Лиу, епидемијата во западна Африка ќе беснее најмалку шест месеци. „Тоа сé уште го немаме доживеано. Потребна е нова стратегија. Еболата веќе не е ограничена на неколку села, таа се шири и во град со 1,3 милиони жители, во Монровија“, појасни директорката на Лекари без градници (Médecins Sans Frontières/Doctors Without Borders – MSF),на прес-конференцијата во Женева.
Лиу, исто така, нагласи дека во моментов во регионите зафатени со епидемијата во граничните области на Гвинеја, Сиера Леони и Либерија, владее страв како во време на војна.
Го истакна и примерот на област Каилахун, во Сиера Леоне, каде што има потреба од следење на состојбата на повеќе од две илјади луѓе коишто биле во контакт со заболени од ебола, а постојниот медицински персонал може да ја следи ситуацијата на само 250 луѓе.
Канаѓанката Жоан Лиу упати апел за зајакнување на меѓународната координација под покровителство на Светската здравствена организација (СЗО – WHO).„Сите влади мораат да се мобилизираат. Тоа треба да се преземе сега, доколку сакаме да ја зауздаме епидемијата“, истакна директорката на Лекари без граници чиишто вкупно 692 активисти дејствуваат во трите земји кои се најпогодени од еболата, во Гвинеја, Либерија и Сиера Леоне.
Бројот на починатите во најголемата епидемија на еболата во средата изнесуваше 1.069 од 1.975 потврдени, веројатни и сомнителни случаи, соопштија од СЗО. Оваа агенција на Обединетите нации признава дека ситуацијата е полоша отколку што се мислеше и дека тоа треба да ги поттикне владите и хуманитарните организации да преземат посилни мерки против вирусот кој го предизвикува едно од најсмртоносните заболувања и ги убива повеќето од заразените.
„Персоналот од местата зафатени со епидемијата гледа докази дека бројките за известените случаи и за починатите многу ја потценуваат големината на епидемијата“, се наведува во соопштението објавено во петокот на интернет страницата на СЗО. Се додава и дека организацијата „го координира силното зајакнување на меѓународните реакции распоредувајќи ја поддршката за поедини земји, за агенциите за контрола на болестите и агенциите во рамките на системот на Обединетите нации и други…“
Здравствените експерти предупредуваат дека владините реакции на болеста требаат да бидат така конципирани за да го спречат ширењето на болеста и притоа да ги избегнуваат мерките коишто можат да излезат од под контрола или непотребно да им наштетуваат на националните економии./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Вести
“Во основа е пекол на земјата”: Градот Газа оставен тотално без здравствената заштита
![](https://makfax.com.mk/wp-content/uploads/2023/11/gaza32.jpg)
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
![](https://makfax.com.mk/wp-content/uploads/2022/09/борел-миа.jpg)
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
![](https://makfax.com.mk/wp-content/uploads/2023/10/антонио-гутереш.jpg)
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.