Спорт
Џошуа: Ако мислите дека сум расист, одете е.ете се!
![](https://makfax.com.mk/wp-content/uploads/2020/06/anthony-joshua-060620s.jpg)
Светскиот шампион во тешка категорија, Ентони Џошуа ги нападна критичарите на неговиот говор на протестот на „Black Lives Matter“ во неговиот роден град Вотфорд, откако беше обвинет дека ги повикува луѓето да не купуваат во продавници чии сопственици се белци.
Џошуа беше дел од мирниот протест во саботата, како и во многу градови низ целиот свет по смртта на Џорџ Флојд во Минеаполис. Со патерици и гипс на ногата, Џошуа го прочита својот говор.
„Возддржете се од трошење на вашите пари во нивните продавници и економии, и инвестирајте во бизниси на црни сопственици. Покажете им каде боли“, вели Џошуа.
Дел од неговите фанови преку социјалните мрежи му порачаа дека се работи за „обратен расизам“, односно повик за бојкотирање на белците, на што тој одговори фуриозно на Твитер.
„Ако мислите дека сум расист, одете е.ете се! Ако го гледате целото видео, говорот беше додаден за да се прочита и јас бев првиот. Лично зборував од срцето на заедницата на Вотфорд, идеите за инвестирање на суми со седум цифри за да се креира единство и можности за промени кај афро-карипската заедница. Продавниците не се важни тука. Пред да зборувате глупости, подобро бојкотирајте го расизмот“, изјави Џошуа.
Ова не е првпат Џошуа да биде обвинет за расизам, откако во 2017 на својот ривал Еди Чејмберс му прати порака во која го нарече Американецот „срамота за супериорната црна раса“ .
„Ти си мала кучка, запамети го тоа. Сега ти пораснаа јајца да зборуваш по сите години, се сеќавам кога беше многу тивок. Кучките зборуваат, вистинските одат во тишина. Ти си пропалица. Срамота за супериорната црна раса“, гласеше пораката на Џошуа од 2017.
— Anthony Joshua (@anthonyfjoshua) June 7, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ферстапен победи во Шпанија пред Норис и Хамилтон
![](https://makfax.com.mk/wp-content/uploads/2024/06/12320773.jpg)
Возачот на Ред Бул, Макс Ферстапен победи на Шпанското ГП. Второто место го зазеде Ландо Норис за Мекларен, додека трет заврши асот на Мерцедес Луис Хамилтон.
Стартот на Големата награда на Шпанија беше највозбудиот дел од трката. Трката со брилијантен потег ја отвори возачот на Мерцедес Џорџ Расел – стартуваше од четвртото место, но веќе во првиот свиок се проби на челната позиција.
Сепак, водството на Расел беше краткотрајно, бидејќи Ферстапен го стигна и го престигна на почетокот на третиот круг.
Од тој момент, актуелниот шампион го диктираше темпото и беше во водство, освен кога менуваше гуми.
Норис, влезе во борба со пилотите на Мерцедес, стигна до втрото место, но не успеа да му се доближи на Ферстапен.
Зад најдобрите тројца се пласираа Џорџ Расел од Мерцедес, двоецот на Ферари Шарл Леклер и Карлос Саинц, Оскар Пјастри (Мекларен), Серхио Перез (Ред Бул), а во Топ 10 беа и полотите на Алпин Пјер Гасли и Естебан Окон.
Спорт
УЕФА одлучи: Два меча суспензија за Даку по навредите за Македонците и Србите на Европското првенство
![](https://makfax.com.mk/wp-content/uploads/2024/06/daku-2.jpg)
Албанската фудбалска федерација соопшти дека УЕФА му ja изрекла забраната на албанскиот репрезентативец, Мирлинд Даку. Тој доби два меча суспензија откако ги наведе навивачите на националистички скандирања, пренесе „Асошиејтед прес“.
Даку зеде мегафон по ремито 2-2 на Албанија со Хрватска во средата во Хамбург и извика:„Е*и ги Македонците…, е*и ги Србите…“
Албанската федерација, исто така, соопшти дека УЕФА изрекла казни во вкупна вредност од 47.250 евра (50.500 американски долари) за инцидентите на натпреварот, кога албанските и хрватските навивачи извикуваа антисрпски пароли.
Српската фудбалска федерација по инцидентите објави дека ќе го напушти турнирот доколку УЕФА не казнува.
Албанија ќе го игра решавачкиот натпревар од групната фаза во понеделник против Шпанија.
Спорт
Марej се повлече од Вимблдон
![](https://makfax.com.mk/wp-content/uploads/2024/06/m.jpg)
Енди Мареј, некогашниот тенисер број еден во светот, сепак нема да игра на Вимблдон.
Тој во саботата мораше да оди на операција на циста и тоа е причината да не биде на третиот Грен слем сезонава.
Мареј играше оваа недела на турнир во Квинс, но мораше да му отстапи меч од второто коло на Џордан Томпсон.
Според првите информации, тој ќе има пауза од шест недели, па под знак прашалник е и неговото учество на Олимписките игри во Париз.
“По операцијата на цистата на ‘рбетот, за жал, Енди Мареј нема да биде на Вимблдон. Заздрави и одмори се Енди, на сите ќе ни недостигаш таму”, изјавија организаторите на турнирот.