Свет
Германија нема да го санкционира Израел поради евентуалната анексија
„Германија нема да го санкционира Израел поради планираната анексија на делови од Западниот Брег“, изјави дипломатски претставник во Ерусалим, но додаде дека овој потег ќе предизвика затегнување на односите, пренесува „Тајмс оф Израел“.
Берлин нема да воведе санкции против Ерусалим или да преземе чекори за признавање на палестинската држава, вели официјалниот претставник, и покрај цврстото спротивставување на Германија за анексија.
„Германија нема да оди во крајност“, рече тој. „Германците не се за санкции и нема да ја признаат палестинската држава. Тие се прагматични. Нивната главна цел е да се гарантира регионалната стабилност. Тие не сакаат да предизвикаат голема вознемиреност. Наместо тоа, ќе бараат начини да нè охрабрат нас и Палестинците да се вратиме на разговорите“.
„Но, ги познавам Германците – нивниот одговор, најверојатно, ќе биде повеќе во областа на атмосферата“, вели официјалниот претставник. „Ќе станат помалку отворени за нас и нашите грижи и можеби ќе биде потешко да ги натераме да ни помогнат во разни арени“.
Неговите забелешки доаѓаат пред планираната посета на германскиот министер за надворешни работи, Хајко Мас, за средба со неговиот израелски колега Габи Ашкенази. Според официјалниот претставник, кој побара да остане анонимен, Германија веројатно ќе ги процени реакциите на соседите на Израел пред да заземе став.
„Ако видат дека реакциите на Јордан и на Египет ќе бидат помалку груби отколку што се очекуваше, и Германците ќе бидат порасположени за простување“.
Јордан се закани дека ќе го откаже својот мировен договор со Израел ако тој продолжи со анексијата. Според израелските медиуми, Мас планира да го предупреди премиерот Бенјамин Нетанјаху против овој потег оти тоа ќе им наштети на врските на Израел со ЕУ, како и со Германија.
Мировниот предлог на администрацијата на Трамп предвидува Израел да анектира 30 отсто од Западниот Брег и долината на Јордан. Според коалицискиот договор меѓу премиерот Бенјамин Нетанјаху и министерот за одбрана, Бени Ганц, анексијата би можела да се изгласа во Кнесетот уште на 1 јули.
САД, пак, јасно ставија до знаење дека не треба да се преземаат еднострани чекори кон анексија пред да се заврши мапирањето од страна на Комитетот за мапирање на територијата, што може да трае со недели или дури месеци.
Со планот на Трамп се предвидува и демилитаризирана палестинска држава на поголемиот дел од Западниот Брег со делови од источен Ерусалим, кои се наоѓаат надвор од израелската безбедносна ограда, како нејзин главен град.
Палестинците исто така ќе добијат економски пакет во висина од 50 милијарди американски долари ако се согласат со условите на договорот, кои вклучуваат да запре поттикнувањето терор и ставање крај на нивната т.н. шема плати за убивање, со која се плаќаат финансиски стипендии за осудени терористи и нивните семејства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.
Свет
(Видео) Се урна дел од автопат во Кина: возила паднаа во провалија, десетици мртви
Се урна автопат во провинцијата Гуангдонг во јужна Кина.
Дел од автопатот се урна рано наутро во јужна Кина, при што загинаа најмалку 19 лица, соопштија локалните власти.
Осумнаесет автомобили паднаа по падина откако се урна дел од автопатот, соопштија властите во градот Меиџоу во провинцијата Гуангдонг. Инцидентот се случил околу 02:00 часот. Очевидци за локалните медиуми изјавиле дека слушнале силна бучава и виделе дупка отворена неколку метри зад нив, откако оделе дел од патот непосредно пред да се урне.
May 1: a section of the Meilong Expressway (梅龙高速公路) in Guangdong province collapsed at around 2:10am, and 18 vehicles fell into the sinkhole.
31 people were rescued and sent to the hospital. One of them died afterwards…https://t.co/X6QY2zwKdshttps://t.co/cKcJF8YwLB pic.twitter.com/8cUgXonCGR
— Byron Wan (@Byron_Wan) May 1, 2024
Видеото и фотографиите во локалните медиуми покажуваат чад и оган на местото на настанот. Спасувачите превезоа 30 лица во болница, објави државната телевизија CCTV.