Свет
Иран ќе го погуби агентот на ЦИА кој им помогнал на Американците да го убијат Сулејмани
Судот во Техеран осуди на смрт Иранец осомничен дека им ја кажал на Американците местоположбата на Касем Сулејмани, славниот командант на елитните ирански сили „Ал-Кудс“, кој загина во ракетен напад од страна на САД претходно годинава, пренесува РТ.
Махмуд Мусави-Мајд, како што е идентификуван од портпаролот на иранското судство, е осуден на смртна казна од револуционерениот суд. Мајд, за кој се вели дека работел за американската ЦИА и израелската тајна служба Мосад, бил изворот на информации за локацијата на Касем Сулејмани.
Генералот Сулејмани, кој се прослави за време на Иранско-ирачката војна во 80-тите, ги предводеше силите „Кудс“ – најтаинствениот дел на ИРГЦ – од 1998 година до неговата смрт во јануари 2020 година.
Тој беше убиен во таргетиран ракетен напад додека патувал од аеродромот во Багдад со неколку свои помошници и команданти на ирачките шиитски милиции. Техеран се заколна дека ќе се одмазди за убиството на Сулејмани уште пред тој да биде погребан во неговиот роден град Керман.
На 8 јануари Иран лансира серија проектили кон две бази во кои се сместени американските трупи на ирачка почва. Нападот, гледан како предупредувачки потег од Техеран, предизвика оштетување на воената опрема, но не предизвика човечки жртви иако кај повеќе од 100 војници подоцна, според Пентагон, биле дијагностицирани повреди на мозокот.
Техеран го известил Багдад пред нападот, а раното предупредување наводно било проследено до американската војска.
Вашингтон подоцна ја бранеше одлуката за атентат врз Сулејмани тврдејќи дека генералот заговарал напади врз американските сили и имал ужасно минато. Сепак, американскиот секретар за одбрана на САД призна дека не видел никакви конкретни докази што укажуваат дека тие напади биле со сигурност планирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.