Свет
Ердоган тврди дека Турција произвела лек за коронавирусот, кината и театрите се отвораат на 1 јули
На 1 јуни Турција ја објави првата фаза на олеснување на рестриктивните мерки со оглед дека земјата постигна напредок во борбата против пандемијата на коронавирус, јавува Турската радио-телевизија.
Во Турција досега се потврдени 172.111 случаи на инфекција со вирусот на корона, а бројот на оздравени е над 144.598. Досега 4.728 лица починале од последиците од коронавирусот, покажуваат податоците на Министерството за здравство.
Ердоган најави дека како дел од олеснување на мерките, кината, театрите и трговските центри ќе бидат отворени од 1 јули во целата земја. Тој додаде дека работното време на објектите, како што се ресторани и кафулиња, се продолжува од 22 на 24 часа.
Исто така, на граѓаните на возраст над 65 и повеќе години ќе им биде дозволено да излегуваат секој ден помеѓу 10 и 20 часот, а ограничувањето за движење за оние помлади од 18 години е целосно укинато под услов тие да бидат придружени од нивните родители. Свадбените сали ќе почнат со работа на 15 јуни.
Ердоган рече дека турските научници го произвеле лекот „фавипиравир“, кој се користи за лекување на Ковид-19.
Ердоган најави продолжување на олеснувањето на воведените ограничувања со цел да се спречи ширењето на коронавирусот, пренесува агенцијата „Анадолија“.
„Мораме да се навикнеме на фактот дека периодот што го нарекуваме нова нормалност ќе трае малку подолго“, рече Ердоган по седницата на владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украинскиот министер за финансии: На земјата и недостасуваат пет милијарди долари за воени трошоци
На државниот буџет на Украина му недостигаат 5 милијарди долари потребни за воени трошоци, изјави денеска министерот за финансии Сергеј Марченко во интервју за радио Хромадске.
Според него, откако САД го усвоија долгоочекуваниот пакет помош од 61 милијарда долари, новите средства ги покриваат социјалните и хуманитарните трошоци на Украина.
„Во пракса, имаме голем фискален проблем, нерешеното прашање со воените трошоци“, тврди тој.
Свет
Раиси беше погребан во неговиот роден град Машхад во присуство на три милиони граѓани
Иранскиот претседател Ебрахим Раиси беше погребан денеска во светилиштето на Имам Реза во Машхад, најсветото место за шиитските муслимани во Иран.
Според градоначалникот Мохамадреза Каландар Шариф, околу три милиони луѓе присуствувале на погребот во родниот град на Раиси.
Авионот со телото на починатиот претседател Раиси, кој загина во хеликоптерска несреќа во северозападен Иран, пристигна претходно денеска на аеродромот Хашеминеџад во Машхад.
Европа
Децата од Британија прават најмалку физички вежби во Европа
Истражувањето објавено од Светската здравствена организација (СЗО) покажало дека децата на возраст од 11, 13 и 15 години од Велика Британија прават најмалку физички вежби на дневна основа во споредба со децата од другите земји во Европа, централна Азија и Канада.
Околу 11 отсто од девојчињата и 16 отсто од момчињата во Англија го прават препорачаниот час физички тренинг дневно, пишува британски „Тајмс“.
Физичката активност, од умерена до енергична, вклучува работи како брзо одење, возење велосипед и возење ролери.
„Имаме голем јаз меѓу половите и големи социо-економски разлики. Две третини од 15-годишните момчиња во Велика Британија учествуваат во енергична физичка активност четири или повеќепати неделно, но само една третина од девојчињата“, рече координаторот на оваа меѓународна студија, Џо Инчли, од Универзитетот во Глазгов.
Таа изјавила дека посилните вежби, во кои срцето чука малку побргу, исчезнуваат од животот на младите.
„Порано, кога младите поминуваа многу време надвор, тој број ќе беше многу поголем. Сега гледаме дека многу опаѓа и мислам дека тоа е многу загрижувачки бидејќи може да има големо влијание врз здравјето и благосостојбата на младите“, рече Инчли.
Регионалниот директор на СЗО за Европа, Ханс Клуге, истакна дека редовната физичка активност, здравите навики во исхраната и одржувањето здрава телесна тежина се клучни делови од здравиот живот.
„Наодите од истражувањето укажуваат на потребата од насочени интервенции за да им се овозможи на адолесцентите да усвојат поздрави навики и да избегнуваат навики што влијаат не само на нивното сегашно здравје и благосостојба туку и на нивните идни траектории“, рече Клуге.