Спорт
Супер компјутер: Меси е многу подобар од Роналдо
Супер компјутер има одговор на прашањето кој е подобар Лионел Меси или Кристијано Роналдо. Професори од универзитетот КУ Лувен и аналитичарите од компанијата СиСпортс смислиле формула според која го добиле одговорот на ова прашање.
„Головите и асистенциите се темелот за вредноста на фудбалерите. Головите се реткост, но се проценува дека на еден натпревар се одигруваат просечно по 1.600 акции. Нашиот модел ги опфаќа сите тие акции, шутеви, дриблинзи, дуели. Потоа ја пресметуваме нивната вредност“, објаснил професорот Џеси Дејвис.
Во анализата биле користени податоци за Роналдо и Меси од сезоната 2013/2014 до крајот на сезоната 2017/2018 кога Португалецот од Реал се пресели во Јувентус.
Супер компјутерот пресметал дека Меси е многу подобар играч о Роналдо.
Неговиот ВАЕП коефициент (Valuing Actions by Estimating Probabilities) по натпревар е 1,21, додека овој коефициент кај Роналдо е само 0,61.
„Во првите две сезони биле речиси израмнети, но од сезоната 2015/2016 Меси ја направи разликата“, појаснил студентот Том Декрос кој учествувал во истражувањето и дополнил.
„Имаме фудбалери кои учествуваат во многу акции но немаат висока вредност, таков пример е Пол Погба. Во исто време имаме фудбалери кои помалку учествуваат во играта, но имаат голем учинок. Тоа е карактеристично за напаѓачите какви што се Хари Кејн, Мохамед Салах или Кристијано Роналдо. Но на ова поле Меси е исклучителен, има голем број на акции кои имата висока вредност“.
Science reveals that Leo Messi is twice as good as Cristiano Ronaldo https://t.co/8dGi2VfwGT
— SPORT English (@Sport_EN) June 10, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.