Спорт
Шефот на ирската мафија Даниел Кинахан е најзаслужен за мечот Фјури-Џошуа!
Ентони Џошуа и Тајсон Фјури вчера склучија договор за два меча во 2021 година, по што е можно да добиеме апсолутен шампион во тешка категорија, но ирските медиуми веднаш забележаа дека Фјури во пораката се заблагодари на еден, малку е да се каже, контроверзен лик, Даниел Кинахан.
Дуелот на двајцата британски шампиони сигурно ќе донесе милиони за нив и за нивните менаџерски компании, а Фјури лично му се заблагодари на Кинахан, ко-основачот на менаџерската компанија „МГМ“, која подоцна стана „МТК глобал“.
„Ден успеа во последен момент. Господ да го благослови Даниел Кинахан“, изјави Фјури во видеото.
It’s official FURY VS JOSUAR AGREED FOR NEXT YEAR, I got to smash @bronzebomber first then I’ll annihilate @anthonyfjoshua #WEARESPARTANS
MASSIVE THANKS TO DANIEL KINNERHAN FOR MAKING THIS HAPPEN.???? god bless pic.twitter.com/18FfVKfCax
— TYSON FURY (@Tyson_Fury) June 10, 2020
Кинахан е жител на Дубаи заедно со неговиот брат Кристофер и тие се посебни советници на компанијата „КХК спортс“ во Бахреин, во сопственост на Шеик Калид бин Хамад Ал-Халифа, петтиот во линијата на наследство на круната на Бахреин.
Кинахан неодамна беше објавен на листата на американската ФБИ и ДЕА како еден од најпознатите дилери на дрога кој се обидува со своите врски во боксот и ММА борбите да го легитимизира неговиот бизнис.
„Името на Даниел Кинахан е познато кај полициските агенции низ целиот свет поради убиствениот поход на картелот Кинахан. Тие оперираат на светска сцена и нивните членови нема да можат да влезат во САД“, предупредува ФБИ.
Тој исто така е советник на промотерот Боб Арум и човекот кој го убеди Фјури да потпише за „Топ Ренк“ во САД и човекот кој ги носи боксерските атракции на Блискиот Исток.
Кинахан во 2010 година беше во центар на рација во Шпанија кога беа уапсени 31 човек во Ирска, Велика Британија и Шпанија.
Тој долго време е пријател со Фјури, со кого го поврзува истото потекло, од таканаречените ирски Травелери, ромска етничка заедница од Ирска и Велика Британија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.