Црна хроника
Битолскиот јавен обвинител земал поткуп за одлагање кривична постапка
Битолскиот јавен обвинител земал поткуп од битолчанец на кого Управата за јавни приходи му поднела кривична пријава, соопштуваат од МВР.
Му ветувал дека ќе посредува кај негов колега во обвинителството надлежен за оваа пријава и дека ќе издејствува поблага казна или други привилегии.
Возачот вработен во обвинителството им ги организирал средбите, а за услугата зеле околу 2.000 евра разновидна стока.
Во домот на пријавениот возач се пронајдени и одземени една ловна пушка марка „Црвена застава“ и еден малокалибарски пиштол марка „Брулов“ без дозвола а при претрес во планинска куќа сопственост на Ловно друштво „Сокол“ е пронајдена и одземена е една ловна пушка марка, без дозвола.
Исто така, при извршените претреси се пронајдени и одземени и други предмети за кои постои сомнение дека се поврзани со кривичните дела извршени од страна на пријавените и истите ќе бидат предмет на дополнителни проверки и анализи.
Во друг случај во Прилеп била запленета голема количина оружје и муниција, а прилепчанец е осомничен дека лани во ноември за 700 евра продал калашњиков односно автоматска пушка.
Во претрес во неговиот дом се најдени ловни пушки и карабини, малокалибарски пушки, револвери, пиштоли и делови од оружје, како и поголемо количество муниција од различен калибар. Имало и оружје со снајперски оптички нишан.
Истражен судија на тројцата им е одредена мерка притвор во траење од по 30 дена.
Кривичната пријава за недозволена трговија со оружје од страна на Истражниот судија е проширена за уште едно 38 годишно лице од Прилеп поради постоење на основано сомнение дека е инволвиран во недозволена трговија со оружје и на истиот му е одредена мерка притвор./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.