Црна хроника
Двaесетгодишник прободен со нож во близина на „Сити мол“
Дваесетгодишно момче од Скопје е прободено со нож во тепачка во понеделник вечер, во близина на трговскиот центар „Сити мол“, на ул. „Љубљанска“.
Полицијата информира дека тепачката настанала околу 19.30 часот. Двајца браќа од Скопје, В.Ќ (20) и С.Ќ. (23), се движеле со атомобил „голф“ по еднонасочна улица при што биле пресретнати од друго возило од кое излегле две непознати лица и физички ги нападнале. Едно од лицата извадило нож и му нанело расекотини по телото и главата на 20-годишниот В.Ќ. по што избегале.
Момчето е префрлено во Ургентниот центар.
Полицијата трага по сторителите и презема мерки за расчистување на случајот.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Тешка сообраќајка кај Влае – има повредени, едното возило преполовено
Тешка сообраќајна несреќа се случи утрово на булеварот Партизански одреди во скопската населба Влае.
Во несреќата учествуваа две возила, од кои едното е преполовено од силата на ударот.
Според информациите од МВР, со возилата управувале 32-годишна скопјанка и 27-годишник, и двајцата од Скопје.
Во несреќата со тешки телесни повреди се здобила жената, констатирани во Комплекс клиники „Мајка Тереза“. Додека другиот возач и неговиот сопатник се здобиле со телесни повреди.
За настанот бил известен јавен обвинител, а увид извршила увидна екипа од СВР Скопје.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.