Свет
Јапонскиот премиер: Високите температури не спречуваат ширење на коронавирусот
Јапонскиот премиер, Шинѕо Абе, изјави дека високите температури во текот на летото веројатно нема да го спречат пренесувањето на новиот коронавирус, со оглед на тоа што бројот на заразени е голем дури и на Блискиот Исток.
„Не можеме да се опуштиме само затоа што доаѓа лето, бидејќи инфекцијата се шири и на Блискиот Исток каде се високи температурите“, истакна Абе, демантирајќи ја идејата дека топлото време може да има улога при намалување на инфекциите.
Температурите на Блискиот Исток надминаа 35 степени Целзиусови во градовите како што се Техеран и Ријад, каде, според податоците на Светската здравствена организација, се потврдени околу 185.000, односно 123.000 случаи.
Во Катар, каде што највисоката температура достигна околу 40 степени во последните две недели, просечно дневно се заразуваат околу 1.500 луѓе, што е повеќе отколку во април кога било постудено.
Абе потврди дека Владата настојува да ја прошири медицинската стратегија и тестирањата во пресрет на евентуалниот втор бран на епидемијата.
Тој исто така рече дека изработката на апликација за паметни телефони, која би ги информирала корисниците за потенцијален контакт со некого на кого му е дијагностицирана вирусна инфекција, е во завршна фаза и треба да почне со работа оваа недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.