Европа
Европските земји ги отвораат границите, но некои сè уште имаат строги правила
Европските земји денес олеснаа некои гранични контроли воведени во пандемијата на Kовид-19, но затворањето на Шпанија, голем број други ограничувања и новите методи за граничен премин покажуваат дека ќе продолжи да се чека на патувањата какви што беа пред пандемијата.
Шенген-зоната, во која членуваат 22 земји од Европската Унија и Исланд, Лихтенштајн, Норвешка и Швајцарија, оперира без контроли на границите, но поради коронавирусот беше суспендирана на три месеци за сите, освен за стоки и неопходнии работници.
Многу гранични рестрикции за посетителите од Европската Унија и шенген-зоната ќе бидат укинати од Исланд до Грција, но тоа нема да биде враќање на непречено патување како што беше пред пандемијата.
Предупредувањата за патувања што пред три месеци ги воведе Германија се укинати за поголемиот дел од Европа. Германското Министерство за надворешни работи го укина и предупредувањето за патување во 27 европски земји.
Откако во првата недела од јуни ги отвори повеќето од своите граници со соседните земји, Австрија го укина задолжителниот карантин и тестирање за граѓаните на другите земји членки на ЕУ и нордиските земји кои не се во сојузот.
Но, ограничувањата во Австрија остануваат на сила за Шведска, Шпанија, Португалија и Велика Британија, како и предупредување за патување во најпогодениот регион на Ломбардија.
Ограничувањата за влез за сите земји од Европската Унија и Велика Британија ќе ги укине Швајцарија во понеделник.
Исланд од почетокот на неделата нуди тестови за коронавирус за сите патници, освен деца, што е опција наместо двонеделен карантин. Тестот е бесплатен до 1 јули, а во некои случаи е дозволена и потврда за претходно тестирање.
Шпанија не дозволува странските туристи да влезат до 21 јуни, со исклучок на некои острови. На другите места, можноста за патување зависи од тоа од каде се доаѓа и каде се оди.
Грција продолжува да бара карантин за патниците од аеродромите на осум земји на ЕУ. Чешката воведе систем на семафор, со кој се забранува влез на туристите од „жолтите“ или „црвените“ земји како што се Португалија и Шведска.
Данска пушта туристи од Исланд, Германија и Норвешка, но не и од Шведска, под услов да резервираат најмалку шест ноќевања.
Пред коронавирусот, внатрешната европска граница просечно ја минувале околу 3,5 милиони луѓе секој ден, се вели во минатогодишниот извештај на Европскиот парламент. Околу 1,7 милиони од нив го направиле тоа поради работа, а многумина од нив денес работат од дома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Во руските напади убиени пет лица, погодени се пристаништето и енергетската инфраструктура во Украина, гореше Одеса
Руските воздушни напади низ Украина убија најмалку пет цивили, а 19 други беа ранети во последните 24 часа, соопштија регионалните власти. Нападите беа насочени кон станбени области и клучна пристанишна и енергетска инфраструктура, продолжувајќи ја кампањата на Москва за притисок врз Украина и покрај повиците за прекин на огнот, објави „Киев Индепендент“.
Украинските воздухопловни сили соопштија дека руските сили лансирале 112 беспилотни летала „Шахед“ во текот на ноќта, вклучувајќи беспилотни летала за напад и мамка. Воздушната одбрана успеала да пресретне 87 од нив, но преостанатите 22 беспилотни летала погодиле 12 локации.
Russian attack on Odesa last night.
At least five people injured and massive fires.
Terrible. pic.twitter.com/N0IIxj0ILa
— Anton Gerashchenko (@Gerashchenko_en) October 9, 2025
Гувернерот Олександр Прокудин објави дека две лица се убиени, а осум се ранети во руските воздушни напади во регионот Херсон. Нападите оштетиле 10 куќи и ја насочиле клучната и социјалната инфраструктура.
Три лица се убиени, а две се повредени во регионот Суми. Локалните власти велат дека руските сили извршиле речиси 50 напади врз 25 населени места низ регионот.
Најмалку пет лица се повредени во ноќните напади врз регионот Одеса, каде што беа погодени цивилни, пристанишни и енергетски објекти, потврди гувернерот Олех Кипер. Нападите предизвикаа пожар во две куќи, административна зграда на бензинска пумпа и пристанишен објект. Четири други куќи беа оштетени, а повеќе од 30.000 луѓе останаа без електрична енергија.
Во регионот Донецк, едно лице е повредено во руските напади, изјави гувернерот Вадим Филашкин. Регионот Харков, исто така, беше нападнат, каде што еден цивил беше повреден во воздушни напади и напади со беспилотни летала, соопшти гувернерот Олех Сињехубов. Гувернерот на регионот Запорожје, Иван Федоров, изјави дека две лица се ранети во регионот откако руските сили испукаа вкупно 580 ракети кон 14 населени места.
Најновиот бран напади го продолжува моделот на Русија да ја таргетира украинската цивилна инфраструктура пред зимата, предизвикувајќи загриженост за потенцијалните последици од континуираните напади врз енергетските објекти.
Европа
(Видео) Зеленски: Русија со дронови ја дестабилизира Европа
Украинскиот претседател Володимир Зеленски ја обвини Русија дека се обидува да ја дестабилизира Европа со користење беспилотни летала за саботажи и немири.
Зеленски, во видео обраќање доцна во вторникот, рече дека Москва ја користи својата таканаречена „флота во сенка“ не само за финансирање на војната со транспорт на нафта со танкери, туку и за саботажи и разни напори за поткопување на стабилноста низ целиот континент.
„Неодамнешните лансирања на беспилотни летала од танкери се еден таков пример“, рече тој, повикувајќи се на разузнавачки информации од украинските надворешни служби.
The Head of Foreign Intelligence reported in detail on how the Russians are utilizing tankers of their “shadow fleet” – not only to finance the war, but also for sabotage and various destabilization attempts in Europe. Recent launches of drones from tankers are one such example.… pic.twitter.com/B09UQo9EZK
— Volodymyr Zelenskyy / Володимир Зеленський (@ZelenskyyUa) October 7, 2025
Официјалните информации за потеклото на беспилотните летала неодамна забележани во земји, вклучувајќи ги Данска и Германија, сè уште не се потврдени.
Русија негираше каква било вмешаност.
Дмитриј Медведев, заменик-шеф на Советот за национална безбедност на Русија, посочи дека самите украински сили би можеле провокативно да користат вакви беспилотни летала за да ја вовлечат Европа во војна против Русија.
Украина, исто така, произведува беспилотни летала со долг дострел.
фото: принтскрин
Европа
Путин: Украинците се повлекуваат на целата фронтова линија
Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и дека Москва има целосна стратешка иницијатива на бојното поле.
На состанокот со високи воени команданти, Путин рече дека украинските сили се повлекуваат од фронтот во сите сектори.
Тој нагласи дека Киев се обидува да пука длабоко на руска територија, но дека тоа нема да помогне да се промени ситуацијата во војната што трае повеќе од три и пол години.
„Во моментов, руските вооружени сили целосно ја држат стратешката иницијатива“, рече Путин на состанок во северозападна Русија, според Кремљ.
„Оваа година ослободивме речиси 5.000 километри територија, 4.900 километри и 212 населени места.“
Украинските сили, рече тој, „се повлекуваат по линијата на борбен контакт, и покрај обидите за жесток отпор.“
фото: принтскрин
Судиите мора да судат според законот а не според партиски влијанија, време е за ресет на системот, порача Мицкоски
Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во општина Илинден, во рамки на изборната...
(Видео) Трамп: Ја завршивме војната во Газа
Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат...
Владата усвои измени: Се укинува ослободувањето од ДДВ за онлајн пратки во вредност до 22 евра
Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања...
(Фото) Реализирано првото гаѓање со новата артилериска опрема ,,Боран’’ на АП Криволак
Денеска министерот за одбрана, Владо Мисајловски присуствуваше на армискиот полигон „Криволак“ каде беше извршено првото артилериското гаѓање со новите системи...
Нова истрага за злоупотреби во РЕК Битола против осум физички и едно правно лице
Основното јавно обвинителство Битола донесе Наредба за спроведување истражна постапка против осум физички и едно правно лице за продолжени кривични...
(Видео) „Избери време и место, избери и новинари, донеси и публика, излези да се соочиме, јас ќе дојдам сам“, му порача Максим Димитриевски на Филипче
Лидерот на Движењето ЗНАМ – за наша Македонија Максим Димитриевски денеска возврати на синоќешната изјава на лидерот на опозицијата Венко...
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село
Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари....
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје,...
М-НАВ: Македонското небо не смее да се „затвори’“
Менаџерскиот тим на М-НАВ во денешното соопштение до јавноста реагира околу најавите за штрајк и „затворањето на небото“ на 20...
Искршен штаб на СДСМ во Градско, партијата бара Тошковски веднаш да постапи
Синоќа се искршени стаклата на изборниот штаб на СДСМ во Градско. Според партијата, овој насилнички и вандалски чин го покажува...
Едно лице избодено со нож пред стоковна куќа „Мост“ во Скопје, напаѓачот е уапсен
Едно лице е избодено со нож пред поранешната стоковна куќа „Мост“ во Скопје, а полицијата го уапси напаѓачот. Според информациите...
Трамп за договорот за војната во Газа: Неверојатно е, целиот свет се обедини
Претседателот на САД, Доналд Трамп, изјави дека Иран би можел да биде дел од поширок мировен договор на Блискиот Исток...
УНИЦЕФ: Светот ги изневери Палестинците, 20.000 деца се убиени
По објавувањето на првата фаза од прекинот на огнот меѓу Израел и Хамас, во Газа владееше огромно чувство на радост...
Светските лидери му се заблагодаруваат на Трамп за договорот меѓу Хамас и Израел
Светските лидери го поздравија договорот за прекин на огнот меѓу Израел и Хамас, објавен од американскиот претседател Доналд Трамп. Еве...
Израел и Хамас се согласија за прекин на огнот во Газа
Израел и Хамас се согласија за првата фаза од планот на американскиот претседател Доналд Трамп за Газа, договор за прекин...
Филипче до Димитриевски: Со предавници на социјадемократската идеја не дебатирам
Претседателот на СДСМ, Венко Филипче, на трибината „Се бориме за нашиот дом“ од Прилеп, му одговори на Максим Димитриевски. „Слушам...
Мицкоски: Венко и Стевчо тајно во седиштето на СДСМ премерувале како да обезбедат 2.000 гласа за Јакимовски од СДСМ
На денешниот митинг во Карпош во рамките на изборната кампања за локалните избори 2025 година со слоган „Вистинскиот избор! Твојот...
Уапсена сопругата на докторот кој беше застрелан во Куманово, била вмешана во обидот за неговото убиство
Полицијата ја уапси сопругата на докторот кој беше застрелан вчера во Куманово. Тој со повреди беше пренесен во болница, но...
Евакуации во објектите околу плоштадот „ВМРО“ поради куфер оставен на плочникот, полицијата утврди дека е празен
Обезбедувањето на Јавното претпријатие за државни патишта пријавило во полиција дека две лица денес оставиле куфер на плочникот пред нивниот...
(Видео) Филипче до Мицкоски: Или сфати дека си избран да ја водиш државата или да си одиш
Претседателот на СДСМ, Венко Филипче, одговарајќи на новинарско прашање во врска со изјавите на премиерот Мицкоски, порача дека премиерот треба...
