Забава
(Видео) Џенифер Гарнер раскажува за дуетот со Андреа Бочели
Џенифер Гарнер плачела додека пеела заедно со еден од напознатите светски тенори Андреа Бочели.
48-годишната актерка, која во понеделникот се појави во емисијата на Елен Деџенерис, објасни дека требало да ја изведе нумерата „Дорми Дорми Лулаби“ заедно со славната италијанска ѕвезда за неговиот специјален албум „Да засекогаш“ (Si Forever: Diamond Edition).
„Дали е тоа најлудото нешто?” рече актерката добитник на „Златен глобус“. „Ако треба да ги наведете 10-те најлуди работи што ви се случиле во животот, ова би било меѓу нив“.
Гарнер, која е мајка на Вајолет (14), Серафина (11) и Сем (осум) со поранешниот сопруг Бен Афлек – го опиша пресвртот на настаните што доведоа до неверојатниот дует.
„Мислам дека ја снимиле оваа прекрасна приспивна песна и дека повеќе сакале до него да стои личност мајка, а не пејачка, па затоа стапија во контакт со мене. Но, потоа морав навистина да пеам… и да пеам… Со месеци земав часови по пеење.“
И покрај повеќе години во шоубизнисот, актерката призна дека станала многу емотивна кога била во можност да соработува со иконата.
Таа рече: „Бев многу нервозна: плачев на паркингот, плачев додека го снимав тоа“. Морав да ги покривам очите за да се справам со фактот дека снимам дует со него.“
„Господинот Бочели не беше таму, но тој беше во моите уши, во слушалките кои ви ги ставаат додека снимате, така што можев да го слушам неговиот глас, и едноставно, беше величествено, тоа ме крена, и јас го сторив тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.