Свет
Ненадеен скок на бројот на заразени откако Јапонија ја укина вонредната состојба
Владата на поширокиот регион на Токио соопшти дека потврдила 48 нови случаи на инфекција со коронавирус во јапонската престолнина, што е најголемото секојдневно зголемување на бројот на заразени од почетокот на мај.
Таа бројка го надмина бројот на 47 заразени претходниот ден, во кој се вклучени многумина кои биле гости на ноќни клубови и слични места за забава, зголемувајќи ги стравувањата дека Јапонија би можела да се соочи со ненадеен скок на бројот на заразени по укинувањето на вонредната состојба и започнувањето на деловни активности.
Потврдени се вкупно 5.592 случаи на инфекција во Токио, кој е најтешко погодената од 47-те јапонски префектури.
Најновата бројка е највисока од 5 мај, откако градските власти во Токио објавија 57 потврдени случаи.
Дваесет од денешните 48 потврдени случаи од групата се тестирани лица кои работат во објекти за ноќна забава, што е нова мерка воведена во Токио, соопштија градските власти.
Бројот на нови инфекции се намали во Токио кон крајот на мај. Како и да е, тие скокнаа повторно откако беше укината вонредната состојба на 25 мај за последната група префектури, вклучувајќи го и Токио.
Иако 29 префектури објавија нулта број на заразени во трите недели по укинувањето на вонредната состојба, епидемијата не се намали во префектурите Токио и Хокаидо.
Бројот на нови инфекции расте во Токио од недела до недела, додека оние под 40-годишна возраст претставуваат повеќе од 60 проценти од случаите.
На 2 јуни, кога дневниот број нови случаи беше 34, владата издаде предупредување наречено „токиска тревога“ за подигање на јавната свест, пренесува јапонската новинска агенција „Кјодо“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.