Европа
Проекции за следните 50 години: Европејци ќе има сè помалку, 30 отсто ќе бидат старци
Европската комисија го усвои првиот извештај за влијанието на демографските промени, кој дава преглед на состојбата во земјите членки на ЕУ и долгорочните последици од овие промени.
„Овој извештај е многу важен затоа што без него не би можеле да продолжиме да работиме во мојот оддел“, рече потпретседателката на ЕК, Дубравка Шуица, задолжена за демографија и демократија.
Извештајот беше задача на Шуица во првите шест месеци од мандатот.
Тој всушност е поширока слика за ситуацијата, а сега следи т.н. Зелената книга за стареење, а потоа и долгорочна стратегија за рурален развој.
Зелената книга е вид документ што го објавува ЕК кој служи како основа за јавни консултации за одредено прашање на европско ниво. Зелената книга може да резултира со објавување Бела книга во која заклучоците од дебатата се презентирани во форма на предлози за конкретни активности.
Извештајот укажува на намалениот удел на Европејците во светската популација, кој се очекува дека во 2070 ќе биде помал од четири проценти.
Очекуваниот животен век за жените до 2070 година ќе биде во просек 90 години споредено со денешните 83,7 години, а за мажите 86 години во однос на денешните 78,2 години.
До 2070 година, 30,3 проценти од европското население ќе биде над 65 години, наспроти 20,3 проценти во 2019 година, а 13,2 проценти од населението ќе биде над 80 (5,8 проценти во 2019 година).
Бројот на активно работно население на возраст меѓу 20 и 64 години опаѓа веќе десет години, а до 2070 година се очекува пад од 18 проценти.
„Кризата откри голем број слаби точки, од кои некои се поврзани со радикалните демографски промени што веќе влијаат врз нашите општества и заедници низ цела Европа“, вели Шуица.
„Справувањето со демографските промени е клучно за градење поправедно и поотпорно општество“, додава таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.