Забава
Таткото на Лејди Гага откри што му подарила ќерката за Денот на таткото
Таткото на Лејди Гага, Џо Џерманота, откри дека за Денот на таткото (кој се слави на 21 јуни во САД), од неговата позната ќерка не добил некој подарок на кој би му завидувале , но тоа не му пречело.
„Мојата ќерка Стефани – ака Лејди Гага – ми испрати кутија орео“, рече 64-годишникот низ смеа за време на интервјуто за „Фокс бизнис“. Тој додаде дека неговата втора ќерка Натали е во Њујорк и дека го води на долго возење велосипед.
Џерманота живее во Њу Џерси, и му рече на водителот Даген Мекдауел дека добро се одморил, но и дека повеќе се фокусирал на повторно отворање на дел од неговиот ресторан Џон Траторија, сместен во њујоршкиот кварт Апер Вест Сајд.
Њујорк влезе во втората фаза на пандемијата во понеделникот, што значи дека рестораните, од кои голем дел се целосно затворени со месеци, можат да се отворат доколку имаат тераси. Џерманота откри дека прво морал да го затвори својот ресторан (кој ја наведува Гага како инвеститор)две недели, што го искористил за чистење на просторот.
Откако доби заем од државата, Џерманота беше во можност да отплати дел од своите вработени. „Некои од нив се со мене осум, девет години, па морав да се грижам за нив“.
Пред да го добие заемот, Џерманота рече дека им платил на вработените од сопствен џеб. Но, во март, тој се најде на удар на критики откако отвори страница „Go Fund Me“ за неговите вработени. Со оглед на финансискиот статус на неговата постара ќерка – Гага има околу 275 милиони американски долари – критичарите сметаат дека ваквиот потег е непотребен. Џерманота наскоро ја затвори страницата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.