Спорт
Тајсон Фјури ги раскина врските со ирскиот мафијаш Кинахан
ВБЦ шампионот во тешка категорија, Тајсон Фјури ги раскина своите врски со советникот Даниел Кинахан, тврди промотерот Боб Арум, откако во британските и ирските медиуми се зборуваше за криминалното потекло на парите на Кинахан.
Фјури се заблагодари на Кинахан за успешните преговори за два меча против Ентони Џошуа во 2021 година, по што реагираше дури и владата на Република Ирска, посочувајќи дека Кинахан е баран за голем број на криминални дејствија во неговата татковина. Кинахан одамна живее на Блискиот Исток, каде што ја основаше промотерската куќа „МТК Глобал“. Арум вели дека Фјури веќе не е во пријателски односи со Ирецот.
„Во текот на викендот имав повеќе разговори со Тајсон и одлучивме дека отсега во иднина, само јас, мојата промотерска куќа ’Топ ренк’ и Фјури ќе имаат врска со преговорите за следните мечеви. Зборувавме и со Ден, кого го почитуваме и тој се согласи дека е подобро преговорите да се вршат на ваков начин“, вели Арум за „Телеграф“.
Кинахан е баран со потерница од ирската полиција поради организиран криминал, поточно продажба на дрога и на оружје. Во 2018 година, тој беше обвинет и во Шпанија за нарачано убиство на еден ривал на неговата група. Тој не смее да влезе во САД, каде што е на листата на ФБИ.
Шефот на ирската мафија Даниел Кинахан е најзаслужен за мечот Фјури-Џошуа!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).