Забава
(Видео) Шарлиз Терон го нападна Стивен Сигал, дебел е и лошо се однесува кон жените
Шарлиз Терон во неодамнешното интервју рече дека Стивен Сигал е дебел, дека глуми дека знае да се бори, а и лошо се однесува кон жените.
Познатата 44-годишна актерка која се појави во неколку акциски филмови се појави во виртуелно интервју кај Хауард Стерн.
„Ноќе одам на интернет и гледам како луѓето се борат и секогаш наидувам на тоа чудно видео од Сигал во кое се ’бори’ во Јапонија, но не го прави тоа навистина“, објасни таа додека зборуваше за истражувањето на нејзините улоги. „Само е неверојатно многу тежок и ги турка луѓето. Тој има вишок килограми и одвај може да се бори … погледнете, тоа е смешно”.
Таа ги оправда своите остри коментари истакнувајќи дека се зборува дека е тешко да се работи со Сигал, особено за жените. „Немам проблем да зборувам за него затоа што тој не е многу добар кон жените, па нека се е..“, му рече таа на водителот, на кого му откри и зошто не сака да се омажи.
Сигал е обвинет за сексуално злоставување на повеќе жени. Пред две години, The Wrap објави дека актерката Реџина Симонс, која била продуцентка на филмот „На смртоносна земја“, го обвинила дека ја силувал на забава во неговиот дом во Беверли Хилс, кога имала 18 години. Фавиола Дадис изјави дека поднела тужба против актерот во полицискиот оддел во Лос Анџелес, тврдејќи дека ја злоупотребил за време на аудицијата во 2002 година.
Портиа де Роси, која глумеше со Терон во „Лишени“, твиташе за своето искуство работејќи со Сигал во 2017 година. „Мојата последна аудиција за филмот со Стивен Сигал се одржа во неговата канцеларија. Тој ми кажа колку е важно да се има хемија на екранот,додека ги откопчуваше пантолоните. Истрчав и го повикав мојот агент, ’Па не знаев дека не е твој тип’, ми одговори ладно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.