Спорт
Сменија 4 тренери во една сезона, Секунда не им бега!
Каталонскиот прволигаш Еспањол е пред големи проблеми. Осум бодови се под цртата која носи спас во Ла Лига, моментно се „фенерџии“, а една од причините за тоа е што сменија дури 4 тренери сезонава.
Отежителна околност за Еспањол е што играше сезонава и во Европа, па цената за тоа е превисока.
Денеска по третпат во тековната сезона го отпуштаат тренерот.
Поранешниот шпански фудбалски дефанзивец, Абелардо не успеа да си ја заврши работата, па е отпуштен по само неколку месеци на функцијата.
Екипата ќе ја преземе Франциско Руфете, човекот кој дел од играчката кариера ја помина токму во овој клуб.
Руфете е четвртиот човек кој сезонава ќе го предводи помалиот клуб од Барселона.
Сезоната ја почна Давид Гаљего кој отказ доби уште на 7 септември.
Пабло Мачин на кормилото издржа до 23 декември, а од тогаш на чело на екипата беше Абелардо.
До крајот на сезоната во Ла Лига има уште 7 кола. Еспањол е последен со 24 бода. Еибар е прв над зоната за испаѓање со 32 бода.
COMUNICAT OFICIAL | Rufete es farà càrrec del primer equip fins a final de temporada: https://t.co/Nr8rXOJZ76
COMUNICADO OFICIAL | Rufete asume el mando del primer equipo hasta final de temporada: https://t.co/Hqm1bfqZ6A#EspanyoldeBarcelona | #RCDE pic.twitter.com/s53FLeX6x7
— RCD Espanyol de Barcelona (@RCDEspanyol) June 27, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.