Црна хроника
Приведени две лица заради фалсификат
Две лица, едно од Скопје и едно од Косово, се приведени заради фалсификување на македонски пасош, соопшти полицијата.
Приведени се 31 годишниот Е.А. од Скопје и 42 годишниот Д.Б. од Митровица во Косово.
Имено, пријавените во текот на овој месец, по претходен договор, се сретнале во Урошевац, Р. Косово, каде се се договориле Е.А., за парична награда од 5.000 евра да направи лажна белгиска лична карта на име на државјанин на РМ со фотографија од Д.Б. По неколку денови се повторно се сретнале во Скопје, кога второпријавениот му дал две свои фотографии, кои биле искористени за да се направи фалсификуваната белгиска лична карта, која гласела на име на македонски државјанин.
Потоа на 17 овој месец двајцата се сретнале во ТЦ Мавровка, од каде заминале во зградата на Македонската телевизија, односно во Управните служби при МВР каде Д.Б. пријавил заминување во странство подолго од три месеци со наведување на земјата Белгија, употребувајќи ја фалсификуваната лична карта како вистинита. Двајцата се упатиле во кабина за сликање, каде Д.Б. ја завршил целосната постапка за поднесување барање за добивање на македонска патна исправа и се фотографирал.
За успешно завршената работа, Е.А. си ја побарал и ја добил паричата награда од 5.000 евра, по што на 22 август заедно го подигнале пасошот и се упатиле кон граничниот премин Блаце, каде од страна на полициските службеници се легитимирани и приведени. Белгиската лична карта е одземена од Д.Б. и по извршеното вештачење е утврдено дека станува збор за фалсификат. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.