Обединетите арапски Емирати се вџашени од изјавата на американскиот потпретседател Џозеф Бајден, кој меѓу другите и оваа земја ја спомена како една од оние во регионот кои финансиски и со оружје го помагале бунтовниците во Сирија, особено радикалните сунитски исламистички групи, како Исламската држава или Џебхат (Фронтот) ан-Нусра, пишуваат во неделата тамошните медиуми.

„Тие зборови се вознемирувачки и ја занемаруваат улогата на Емиратите во борбата против екстремизмот и тероризмот“, изјави министерот за надворешни работи на ОАЕ, Анвар Гергеш во изјавата објавена во неделата. Министерот побара од американскиот потпретседател Џозеф Бајден да ги појасни своите зборови искачани во четвртокот пред студентите на универзитетот Харвард коишто според Гергешн „даваат лажна слика за улогата на Емиратите (…) додека Емиратите политички и на теренот помагаат во борбата против џихадистите“, пренесува AFP.

Емиратите учествуваат во воздушните напади предводени од САД врз борците на Исламиската држава во Сирија, каде што од март 2011 година го поддржуваат сунитскиот бунт против претседателот Башар ал-Асад, кој доаѓа од алавитската (шиитска) заедница а ја има поддршката и од сириските христијани и од Друзите.

„Нашиот најголем проблем во Сирија беа нашите регионални сојузници. Турците важеа како најголемите наши пријатели, како и Саудијците, Емиратите и другите. Но што сакаа тие? Тие беа фокусирани исклучително на тоа како да го соборат (сирискиот претседател Башар ал-) Асад и предизвикаа војна меѓу сунитите и шиитите, тие им пратија стотици милиони долари и десетици илјади тони оружје на сите кои се согласија да се борат против Асад“. „Вистина е дека некои од тие коишто ја добија оваа помош беа милитанти од Џебхат (Фронтот) ан-Нусра, Ал Каеда и други екстремистички елементи кои доаѓаат од други делови на светот. Сметате дека претерувам? Погледнете само до каде сето тоа дојде“, истакна во четвртокот на Харвард претседателот на САД.

Реакцијата на Емиратите не е прва, Бајден во саботата навечер и’ се извини на Турција за тврдењето дека од нејзиниот претседател Реџеп Тајип Ердоган добил признание дека Анкара згрешила што дозволила странски исламистички борци да заминуваат во Сирија преку нејзина територија. Бајден во разговорот со Ердоган „ги разјаснил“ изјавите дадени на Харвард во четвртокот и се извини за „каков и да е заклучок“ дека Турција и нејзините регионални сојузници намерно ги снабдувале или го помагале растот на Исламската држава или другите исламистички групи во Сирија, објави Белата куќа.

Инаку овие изјави на американскиот потпретседател се совпаѓаат со постојаните обвинувања на сирискиот претседател Башар ал-Асад кој од почетокот на бунтот тврди дека сунитсктие земји како Турција, Саудиска Арабија, Катар, и други со свои специјалци, финансиски средства и оружје ја помагаат сунитската вооружена опозиција, којашто Западот ја нарекува „умерена“. Асад, исто така, прецизира дека станува збор за меѓуконфенсионален конфликт со цел да се наметне влијание во Сирија, која е децениски регионален сојузник на шиитски Иран, како и на Русија. Во Истанбул, исто така, е седиштето на организацијата којашто ги обединува посебните групи на сириската опозиција во егзил.

Според коментарите во турските медиуми, Бајден го опишал Ердоган како пријател, но напомнал дека овој во приватен разговор му кажал: „Бевте во право. Пропуштаме премногу луѓе“. На тие зборови Ердоган реагираше со изјава во којашто потенцираше дека „странски борци никогаш не влегле во Сирија од нашата земја. Тие можат да дојдат во нашата земја како туристи и да минат во Сирија, но никој не може да каже дека премиле со оружје во рацете“. /крај/мф/сн

Извор: Макфакс