Македонија
Шекеринска: Предметите на СЈО се безбедни со Законот за ЈО, политиката трга раце од правосудството

Денеска е и денот кога конечно влегува во сила Законот за Јавно обвинителство, изјави носителката на кандидатската листа на коалицијата „Можеме“ во изборната единица 5, Радмила Шекеринска, порачувајќи дека овој закон заедно со неколку други закони се целосно усогласени со препораките на Венециската комисија е нова шанса за правната држава кај нас.
„Ние со одлуката да предложиме и да избуткаме низ Собрание еден ваков Закон за Јавно обвинителство покажавме дека најпосле судството го ослободуваме од партиските стеги“, рече Шекеринска, додавајќи дека сега на ред се обвинителите и судиите да покажат дека ќе се ослободат од сите оние коишто удрија печат на криминал, корупција и злоупотреби врз целото судство, ќе се прочистат и ќе покажат дека правдата може да функционира за сите.
„Многу работи во државата се променија, но некои како ВМРО ДПМНЕ, за жал, останаа исти. ВМРО ДПМНЕ и понатаму продолжи да ги блокира сите позитивни процеси за својата држава, ВМРО ДПМНЕ сè уште се обидуваше да става сопки на сето ослободување на судството од партиски стеги. ВМРО ДПМНЕ сè уште се опира на шансата да се бориме против криминалот и корупцијата и ВМРО ДПМНЕ според оние бомби коишто успеавме да ги чуеме навистина до последен момент се трудело да го блокира Законот за Јавно обвинителство само за да ги заштити своите блиски, своите партиски луѓе, своите бизнис-партнери од словото на Законот“, нагласи Шекеринска.
Таа истакна дека ВМРО ДПМНЕ продолжува и понатаму да ги потценува и да ги плаши граѓаните и ВМРО ДПМНЕ сè уште бега од дуели, бега од соочувања и бега од ненарачани прашања
„Во Вевчани денеска ги гледаме резултатите на една многу агилна и активна локална власт којашто успева со свои средства, со поддршка од планските региони, но и со поддршка на меѓународните партнери да изгради, да поправи, да реновира, многу од работите коишто останале заборавени во минатото“, додаде Шекеринска.
Граѓаните покажаа дека сакаат државата да се променува на подобро. Ние покажавме дека знаеме и можеме да ја менуваме државата на подобро. Обезбедивме поправична држава, обезбедивме членство во НАТО, обезбедивме почеток на преговори со Европската Унија. Обезбедивме повисоки плати и повисоки пензии. Сега, од 15 јули ќе ги удриме темелите на целосно правна држава во која законот ќе важи за сите и законот нема да може да се злоупотребува. Обезбедивме за првпат политиката да ги тргне своите раце од правосудството. Ќе обезбедиме подобар живот и ќе понудиме нова шанса за сите граѓани во нашата земја“, порача од Вевчани, носителката на кандидатската листа на коалицијата „Можеме“ во изборната единица 5, заменик- претседателката на СДСМ, Радмила Шекеринска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце времето на чекање за излез од Македонија е околу 30 минути

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Интензитетот на сообраќај на патните правци надвор од градските средини е зголемен.
Поради летните одмори се бележи зголемена фреквенција на возила, на ГП Табановце времето на чекање за излез од Македонија е околу 30 минути, на останатите граничните премини од македонска страна нема подолги задржувања за влез и излез од државата.
Македонија
ВМРО-ДПМНЕ: Жерновски – вечниот политичар без дела, со вечна желба за фотелја, реагира затоа што не беше дел од јахта забавата на Филипче и Заев

„Андреј Жерновски, познат по своите политички прескокнувања и вечна желба да биде „прв во партијата“, повторно се јавува како гласноговорник на СДС, очигледно туркајќи ја агендата за сопствена промоција и позиционирање за иден лидер на партијата“, реагираат од ВМРО-ДПМНЕ.
„Додека го анализира ВМРО-ДПМНЕ и измислува анкети по нарачка на партиската кујна на Бихаќка, Жерновски молчи за вистинските скандали кои ја потресоа неговата партија – за јахтите на Заев и Филипче, за апетитите на нивниот олигархиски круг, за милионските тендери и провизии, за клиентелизмот кој ја потопи СДС.
Тој е дел од тажната група вечни политичари кои живеат удобен и комотен живот, а никој не може да се сети на ниту едно нивно конкретно дело или резултат. Политичка неконзистентност и лична амбиција тоа е неговиот единствен „капитал“.
Наместо да држи лекции за економија и политика, нека објасни како тој и неговите ментори ја доведоа Македонија до економски колапс, до историски одлив на млади луѓе и до ниво на корупција невидено во модерната историја.
Жерновски е симбол на политичари кои мислат само на својата фотелја, а секој негов напад врз ВМРО-ДПМНЕ е ништо повеќе од обид да се прикаже релевантен пред партиската база на СДС, во надеж дека еден ден ќе ја заземе лидерската позиција“, се вели во реакцијата на ВМРО-ДПМНЕ на ставовите на Жерновски.
Македонија
СДСМ: Рамковниот договор е важен документ за мирот, соживотот и градењето заедничка иднина

„Рамковниот договор е важен документ кој стави крај на конфликтот од 2001 година, воспостави мир и отвори поглавје на соживот во градењето заедничка иднина“, велат од СДСМ.
„Освен зачувување на суверенитетот и на територијалниот интегритет, како и унитарниот карактер на државата, суштината на Рамковниот договор е издигнувањето над поделбите, меѓусебно помирување и отворање на вратите за заеднички напредок и еднакви можности на сите граѓани.
Сите политички чинители во земјава треба своите напори да ги вложат во политики коишто ги сплотуваат граѓаните, да работат заеднички за едно современо, демократско и интегрирано општество за сите“, соопшти СДСМ.