Спорт
Четврто, па машко – Берни стана татко на 89 години!
Британскиот милијардер и поранешен прв човек на Формула 1, Берни Еклстоун стана татко по четврти пат на 89 години, откако неговата 44-годишна сопруга, Бразилката Фабијана Флоси се породи со син во Швајцарија.
Според швајцарските медиуми, Флоси се породила во малото село Интерлакен, а весникот „Блик“ објави дека новиот член на семејството го добил името Ејс. Еклстоун изјавил дека мајката и бебето се добро, велејќи дека е горд што добива син откако имаше три ќерки од претходните бракови.
„Беше смирено и убаво. Сè беше готово по 25 минути. Благодарам на Господа“, вели изјави Флоси.
Флоси е трета сопруга на Еклстоун, откако претходно беше во брак со Британката Ајви Бемфорд со која ја имаше 65-годишната ќерка Дебора, и Хрватката Славица Радиќ, со која има уште две ќерки, Тамара и Петра. Еклстоун, сепак, нема да влезе во Гинисовата книга на рекорди како најстар татко, откако Индиецот Рамџит Рагав имал дете на 96 години пред да почине оваа година.
Берни беше шеф на Ф1 40-тина години пред да се повлече во 2017 година и заработи над 3 милијарди долари во кариерата. Тој се ожени со Бразилката Флоси во 2012 година, по што поголемо време поминуваше на нејзината плантажа за кафе во Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.