Европа
Макрон: Се соочувам со избори за нов пат
Францускиот претседател, Емануел Макрон, во разговор за регионалните медиуми рече дека има намера да зацрта нов пат со нов тим, потврдувајќи дека ќе има реконструкција на владата во наредните денови.
„Се соочувам со избори за нов пат. Постојат нови цели за независност, обновување, помирување и нови методи што треба да бидат започнати. Зад нив ќе застане нов тим“, рече францускиот претседател.
Макрон е нејасен во врска со задржувањето на функцијата премиер на Едуард Филип, кој беше на таа позиција од изборите на Макрон за 2017 година.
Според неодамна спроведеното истражување, 57 проценти од Французите сакаат Едуард Филип да остане премиер.
Откако ги повика Французите да се подготват за многу тешка економска есен, Макрон ги прецизираше и приоритетите на вториот дел од неговиот мандат кој завршува пролетта 2022 година и рече дека насоките на следната влада ќе бидат економско закрепнување, социјална заштита и заштита на животната средина, воспоставување праведен поредок, одбрана на европскиот суверенитет.
Макрон, исто така, ја поздрави врската изградена со германската канцеларка, Ангела Меркел, што резултираше со предлог на план за обновување од 750 милијарди евра на европско ниво, како одговор на кризата со коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.