Спорт
Кадена сер: Меси е лут, ќе ја напушти Барселона

Престижното шпанско радио „Кадена сер“ околу полноќ објави информација која утрово ја пренесуваат сите шпански медиуми. „Кадена сер“ тврди дека Лионел Меси ги запрел преговорите со Барселона околу новиот договор и дека наредното лето ќе го напушти клубот.
Договорот што го има Меси со Барселона истекува на 30 јуни 2021 година и тога тој како слободен играч би заминал од „Ноу Камп“.
„Меси е незадоволен од ситуацијата што владее во сите структури во клубот, презаситен е од Барселона поради што решил да ги прекине преговорите околу продолжувањето на соработката. Ќе одигра уште една сезона, колку што му трае договорот и потоа ќе замине“, објави „Кадена сер“ во полноќната емисија „Ларгуеро“.
?⚽️ NOTICIA @ellarguero
?️ Informa @manucarreno
? La idea de Messi ahora mismo es terminar su contrato en 2021 y abandonar el Fútbol Club Barcelonahttps://t.co/4Yn8sUqpzt pic.twitter.com/lsyQi9Yw3G
— El Larguero (@ellarguero) July 2, 2020
„Кадена сер“ е најслушаното шпанско радио, поради што оваа вест иако беше објавена доцна бргу се рашири низ целата земја.
„Преговорите околу продолжувањето на договорот започнаа добро, двете страни бргу ги усогласија ставовите, меѓутоа најновите случувања и радикалното влошување на работите во Барселона го натераа Меси да ги прекине.“
Информацијата ја пренесоа и водечките пишани медиуми „АС“ и „Мундо Депортиво“ со напомена дека Меси „не можел да го поднесе“ првиот човек на Барселона Џорди Бартомеу.
Меси го обвинувал претседателот дека е виновен што доверливи информации од клубот доаѓаат до новинарите и дека и тоа е една од причините поради која сака да замине од „Ноу Камп“.
Најавите дека Меси ќе ја напушти Барселона ги коментирал и тренерот на Реал Зинедин Зидан по победата над Хетафе (1-0) по која Реал стекна четири поени предност во однос на Каталонците во борбата за титулата.
„Не знам што ќе се случи. Се надевам дека нема да замине, сакаме најдобрите да играат во оваа лига“, рекол Зидан.
? Messi quiere irse del Barça
? El Larguero abrió su edición de la noche del jueves al viernes con este bombazo sobre el argentinohttps://t.co/KRmHHk8hVE— Diario AS (@diarioas) July 3, 2020
La SER dice que Messi para su renovación pero al club no le consta
La emisora de radio aseguró que su idea a día de hoy es no seguir en el Barça más allá de 2021https://t.co/OY9mz0gMdf
— Mundo Deportivo (@mundodeportivo) July 2, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Раниери ја одби Италија

Клаудио Раниери (73) ја одбил понудата да биде селектор на италијанската репрезентација по заминувањето на Лучијано Спалети (66).
„Му се заблагодарувам на претседателот на Италијанската фудбалска федерација, Габриеле Гравина, за оваа можност. Тоа е голема чест, но по внимателно разгледување, решив целосно да останам на располагање на Рома во мојата нова улога“, рече Раниери.
„Фридкинс (сопствениците на Рома) ми дадоа целосна поддршка за секоја одлука што би ја донел во врска со националниот тим, но ова е исклучиво моја одлука“, додаде Раниери.
Раниери, кој во својата кариера ги водеше Интер, Јувентус, Атлетико Мадрид, Челзи, Лестер, со кого ја освои титулата во англиската Премиер лига во 2016 година, и Монако, неодамна ја презеде улогата на стратешки советник на американските сопственици на Рома.
Минатиот ноември ја прекина пензијата за да ја спаси Рома, која се мачеше во Серија А. Раниери беше фаворит да го наследи Спалети, кој последен пат ја водеше италијанската репрезентација во победата од 2:0 над Молдавија во понеделник.
Спорт
Тудор и следната сезона ќе го предводи Јувентус

Игор Тудор ќе остане тренер на Јувентус и следната сезона. Тудор среде сезоната го замени Тијаго Мота и успеа да го освои четвртото место.
„Одлучивме да ја продолжиме соработката со Игор за Светското клупско првенство, но и за следната сезона, а се надевам и подолго од тоа“, изјави новиот генерален директор на Јувентус, Дамиен Комоли, на својата прва прес-конференција.
Ова е крај на долга сага во која се шпекулираше со иднината на хрвастскиот тренер.
Во март тој потпиша договор до крајот на сезоната, со клаузула дека автоматски ќе биде продолжен за една година доколку избори пласман во Лигата на шампионите.
Во девет натпревари со Јувентус, Тудор постигна пет победи, три нерешени резултати и еден пораз, а неговиот следен тест е Светското клупско првенство овој јуни и јули. Јувентус е во група со Манчестер Сити, Ал Аин и Видад Казабланка.
За потсетување, Тудор помина девет години како играч во Јувентус, додека во сезоната 2020/21 му беше помошник на Андреа Пирло. Потоа, тој ги водеше Верона, Марсеј и Лацио. Претходно во својата кариера, тој двапати ги тренираше Хајдук и Удинезе, а исто така ги водеше и ПАОК, Карабукспор и Галатасарај.
Спорт
Кипар ги одби Макаби и Хапоел

Властите на Кипар нема да дозволат израелските клубови да бидат домаќини во нивната земја. Планот на екипите од Евролигата, Макаби и Хапоел, беше во новата сезона да бида домаќини на Кипар. Макаби изминатите две сезони, беше домаќин во Белград.
Грчките медиуми објавија претходно дека Лимасол ќе биде градот каде што израелските клубови ќе ги играат своите домашни натпревари во елитното натпреварување.
Сепак, според грчките медиуми, дошло до пресврт. На израелските клубови им е забрането да бидат домаќини поради безбедносните мерки и технологијата што ги придружува ваквите натпревари.
Се пишуваше дека Израелците размислуваат и за Родос, додека Белград беше нивниот безбеден дом во претходниот период.
Останува да се види каде Макаби и Хапоел ќе ги играат своите домашни натпревари.