Кошаркарската федерација на Македонија (КФСМ) со официјално соопштение објасни зошто викендов нема да започе плеј-офот во домашното првенство. Федерацијата се огласи со и изнесе интересни детали откако претходно судиите започнаа штрајк поради неисплатени долгови.

Од Федерацијата посочуваат дека не добиле ниту денар од Министерството за спорт и дека не биле исплатени програмските средства, ниту средствата од игрите на среќа.

„Кошаркарската Федерација на Македонија сака да ја информира јавноста за последните случувања во рамки на организација на натпреварите во сите лиги, а во врска со одлуката на Судиската Комисија при КФСМ и нејзините членови – судиите за бојкотирање на натпреварувањата во сите категории поради неисплатени средства.

Раководството на Кошаркарската Федерација изминатата седмица одржа два состанока со претставници од Судиската Комисија. На последниот состанок, Претседателот на КФСМ, Перо Антиќ предложи да се подмират 50 % од тековните долгови кон судиите и натпреварувањата во сите категории, сениорски и младински, машка и женска конкуренција, да продолжат да се одвиваат непречено како и досега. Навидум, се постигна договор и зачудувачки е како после тој постигнат консензус, се промени ставот на Судиската Комисија со изговор дека доколку дојде до промена на раководните структури тие долгови би останале неподмирени што е комплетен апсурд.

Од страна на Судиската Комисија се побара комлетно подмирување, а не етапно како што впрочем секогаш била праксата. Во сите изминати сезони досега темпото на подмирување секогаш било исто како и оваа натпреварувачка сезона. Од страна на Кошаркарската Федерација беа извршени напори за пронаоѓање на дополнителни средства за исплата, беше даден предлог со конкретен план на исплата, но, повторно членовите на Судиската Комисија не беа задоволни и одлучија, ненадејно, да го променат својот став.

За реализација на дејностите, целите и задачите Кошаркарската Федерација, како институција се финансира од соодветен државен орган – Министерство за спорт, од котизации за учество во лигите и од спонзорски договори.
Од Министерството за спорт, Кошаркарската Федерација нема добиено никаков финансиски стимул освен субвенциите (ваучерот) кон крајот на минатата календарска година, којшто всушност беше за претходната година. Не се исплатени ниту програмските средства, ниту пак средствата од игри на среќа. Дел од одредени кошаркарски клубови чијшто долг кон Федерацијата продолжува да се зголемува добија никаква или делумна финансиска помош поради ‘одредени критериуми’, а дел од клубовите кои добија повеќе средства пак, ги добија со инструкции да не ги подмируваат своите долгови.

Ова се однесува на клубовите од Првата лига мажи за кои по долги години, КФСМ обезбеди спонзор со кој се олесни функционирањето на клубовите за тековната натпреварувачка сезона односно комплетно се отстрани финансиската обврска за котизација за учество во лигата. Единствена нивна финансиска обврска којашто останува се лиценците за странски играчи и евентуалните казни по билтен. Доколку сите клубови ги добијат средствата кои им следуваат од соодветните државни органи, тогаш ќе можат да ги покријат своите финансиски долгувања од тековната натпреварувачка сезона кон Федерацијата со кои ќе се докомплетира исплатата на сите долгови. Раководството на Федерацијата имаше разбирање кон ваквите клубови, но злоупотребата на довербата придонесе за кулминација со бојкот на натпреварувањата.

Кошаркарската Федерација останува на ставот дека сè додека сите клубови не ги подмират своите финансиски долгувања нема да продолжи натпреварувачката сезона.

Јавноста и понатаму ќе биде транспарентно известувана за одредени настани кои се случија во изминатиот период, со дополнителни докази и факти“, се вели во соопштението на КФСМ.

Двајца експерти за компјутерска форензика дошле до заклучок дека УЕФА ја монтирала снимката од спорниот пенал на Хулијан Алварез во осминафиналето на Лигата на шампионите.

Навивачите на Атлетико не се задоволни од начинот на кој нивниот клуб беше елиминиран во осминафиналето на Лигата на шампионите од Реал Мадрид. По сега фамозното изведување пенали, судискиот тим предводен од Полјакот Марчинијак го поништи голот на Хулијан Алварез бидејќи Аргентинецот двапати ја допре топката пред ударот. Тоа беше клучниот момент, Атлетико беше елиминиран, но дилемата, големата дилема остана, дали судиите навистина постапија правилно?

Во бурните денови по натпреварот, УЕФА објави видео кое ја докажа исправноста на судиската одлука, за да ги смири страстите, но голем е бројот фудбалски фанови, пред се оние кои се навивачи на „Јорганџиите“, изразија сомнеж во официјалната верзија која беше сервирана. Во меѓувреме, големата база на навивачи на Атлетико започна своја истрага.

Претставници на Меѓународната асоцијација на навивачи на мадридскиот клуб се обратија до Европската лабораторија за компјутерска форензика и експерти од таа организација, со барање да ги анализираат снимките што УЕФА ги сподели како доказ.

Извештајот на експертите Педро Тубио и Хозе Луис Ривас е јасен во заклучоците – УЕФА ја монтирала снимката!

„Видеото обезбедено од УЕФА не е оригиналното видео снимено од камерата бидејќи откривме визуелно клонирање во одредени сегменти од видеото, одредени промени во низата на слики и целосно отсуство на звучна содржина“, велат овие експерти.

Еден од споменатите, Хозе Луис Ривас, беше гостин во редакцијата на мадридскиот весник „Марка“, каде уште еднаш го потврди она што го заклучил по деталната анализа на видеото од пеналот.

ATENCIÓN. Apareció el video con el que los árbitros tomaron la decisión de anular el penal de Julián Álvarez. "Aunque fue mínimo, el jugador hizo contacto con el balón con el pie de apoyo antes de patearlo", comunicó UEFA. pic.twitter.com/HvB7tUt4oZ

— Pablo Giralt (@giraltpablo) March 13, 2025

„Резултатот се доказите што постојат, но исто така, во овој случај, не го сакам фудбалот. Но, дури и да навивам за некој од тимовите, нашата анализа ја базираме на доказите и доаѓаме до едно: дека видеото е монтирано“, рече тој.

Хозе Луис вели дека во процесот на анализа на видеото, фокусот не бил на тоа дали Алварез ја допрел топката двапати пред ударот, туку дали некој монтирал одредени секвенци во видеото.

„Нашиот начин на работа со сите клиенти е ист. Се прави прелиминарна анализа за да се утврди дали има смисла она што клиентот сака да го постигне. Тоа ни помага да ја формираме цената на нашата услуга и да му кажеме на клиентот дали воопшто треба да продолжи.”

Следно, овој експерт наведува одредени спорни детали кои ги забележале при анализата на видеото.

„Анализиравме различни точки. Првиот беше метаподатоците, кои беа избришани. Тоа не значи ништо бидејќи тоа е видео од датотека објавена на Интернет. Значи, во овој случај, тоа не е важно, но ни дава клучни информации што ни кажуваат дека постојат различни типови на кодирање, па системите за уредување кои би можеле да ни го кажат тоа. Нема пореметување или ако е предвидливо во видеото на УЕФА нема ентропија, а ова е показател дека нешто чудно се случува, многу е веројатно дека е рафинирано“.

Претседателот на Јужноамериканската фудбалска конфедерација (КОНМЕБОЛ), Алехандро Домингез денеска предложи Светското првенство во 2030 година да се прошири на 64 репрезентации.

Предлогот првпат беше претставен минатиот месец од делегат од Уругвај, за време на онлајн состанокот на Меѓународната фудбалска федерација (ФИФА).

„Уверени сме дека прославата на стогодишнината ќе биде единствена, бидејќи 100 години се слават само еднаш“, рече Домингез за време на неговиот говор на отворањето на 80-тиот редовен конгрес на КОНМЕБОЛ.

Светското првенство во 2030 година ќе го организираат шест земји на три континенти.

Уругвај беше првиот домаќин во 1930 година и ќе организира еден натпревар, а домаќини ќе бидат и Парагвај, Аргентина, Шпанија, Португалија и Мароко.

„Затоа предлагаме да ја одбележиме оваа годишнина со 64 екипи, истовремено на три континенти“, додаде Домингез.

На Светското првенство во Катар во 2022 година настапија 32 селекции, а на претстојното Светско првенство во САД, Мексико и Канада следното лето ќе играат 48 репрезентации.

Со евентуалното проширување на форматот на 64 тимови, сите 10 членки на КОНМЕБОЛ ќе се квалификуваат за турнирот. Само Венецуела никогаш не се пласирала на Светското првенство.

„Ова ќе им овозможи на сите земји да имаат можност да го искусат СП и никој на планетата нема да биде изоставен од забавата“, рече Домингез.

Доколку ФИФА го одобри предлогот, на турнирот ќе се одиграат 128 натпревари.

Претседателот на Европската фудбалска унија (УЕФА) Александар Чеферин изјави дека Светското првенство со 64 репрезентации е лоша идеја.

Критичарите на форматот со 64 тима тврдат дека тоа ќе го ослаби квалитетот на играта и квалификациската програма на повеќето континенти.