Спорт
Контроверзи пред стартот – Ред бул вложија протест за ДАС-системот на Мерцедес

Ред бул рејсинг останаа на зборот и вложија протест против „ДАС“ (Dual-Axis Steering) системот на шампионскиот тим на Мерцедес пред стартот на сезоната со Австриското ГП овој викенд.
ДАС системот предизвика многу контроверзи на зимското тестирање, бидејќи се работи за систем со кој возачите на Мерцедес со придвижување на воланот напред и назад можат да ја намалат оската на предните тркала.
Мерцедес постојано тврдат дека системот е легален според правилата на ФИА, но Ред бул смета дека се прекршени правилата 3.8 и 10.2.3 од техничките правила на Ф1. Правилото 3.8 е за подвижни делови кои влијаат на аеродинамиката на болидот, а правилото 10.2.3 вели дека не се можни промени на суспензијата додека болидот е во движење.
Мерцедес доминираа на двете тестирања на патеката Ред бул ринг, поставувајќи 1-2 време во двете сесии. Иако е нејасно колку ДАС системот дава предноста на возачите, ФИА претходно објави дека системот нема да биде дозволен во 2021 година.
Мерцедес ги шокираа сите со „подвижниот“ волан на зимското тестирање (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Белгија удри во македонскиот ѕид – Фудбалерите освоија бод во Гент

Фудбалската репрезентација на Македонија одигра без голови во Гент, против Белгија, во квалификациите за пласман на Светското првенство во САД, Канада и Мексико.
Македонските фудбалери ја исполнија целта, останаа непоразени против фаворизираната Белгија и ја задржаа лидерската позиција во Ј групата. Македонија ја продолжи успешната серија, во официјалните натпревари нема пораз на последните 13 натпревари.
Избраниците на Благоја Милевски излегоа со јасна цел да избегнат пораз и тоа им успеа и покрај тоа што противникот имаше 70 отсто од поседот на топката, но во првиот дел немаше сериозна шанса за гол. Сите напади на Белгија се одбија од македонскиот ѕд пред голот на Столе Димитиревски.
Во вториот дел кога белгија уште повеќе го засили ритамот, на сцена стапи Димитиревски, кој имаше неколку изворедни интервенции. Особено се истакна во периодот од 60-та до 65-та минута кога ги одбрани ударите на Доку и Опенда.
Македонија за три дена ќе игра на домашен терен против Казахстан.
Табела, Група Ј:
EPA/OLIVIER HOSLET
Спорт
Црвена звезда победи кај европскиот првак Фенербахче

Кошаркарите на Црвена звезда на теренот на европскиот шампион Фенербахче ја забележаа првата победа во сезоната. Црвено-белите славеа во Истанбул со 86:81, во 3. коло од Евролигата.
Звезда цело време го контролираше натпреварот, во ниту еден момент Фенербахче не поведе. На крајот имаше мала драма, но тимот од Белград успеа да ја одржи предноста во пенал завршницата. Победата на Црвена звезда добива на значај бидејќи тимот го предводеше помошниот тренер Томислав Томовиќ, откако Јанис Сверопулос доби отказ.
That’s a good way to kick things off, @kkcrvenazvezda! 🤩#MotorolaMagicMoment | @Moto pic.twitter.com/DTpb7vzqJs
— EuroLeague (@EuroLeague) October 10, 2025
Црвена звезда водеше во текот на целиот натпревар, во финишот на првиот дел имаше водство од 16 поени, со двоцифрена разлика влегоа и во последната четвртина, кога се разигра Бонзи Колсон. Тој со четири тројки го врати Фенербахче во мечот.
Кај Звезда, Чима Монеке се истакна со дабл-дабл учинок, односно 20 поени и 12 скока, по што следуваше Тајсон Картер со 15 поени, два скока и три асистенции.
Двоцифрен број на поени имаа и дебитантот во тимот, Донатас Мотиејунас со 13 поени и шест скока, Џордан Нвора со 11 поени и четири скока, и Коди Милер-МекИнтајр со 10 поени, три скока и седум асистенции.
За Фенербахче, Тален Хортон-Такер и Бонзи Колсон постигнаа по 19 поени, додека Микаел Јантунен имаше 15 поени и пет скока.
Резултати:
Олимпијакос-Дубаи 86:67
Барселона-Валенсија 108:102
Баерн-Жалгирис 70:98
Спорт
Обамејанг шоу против Гамбија – Постигна четири гола и доби црвен картон

Со убедлива победа на гости против Сејшелите, фудбалерите на Брегот на Слоновата Коска се доближија до пласман на Светското првенство, кое ќе се одржи во САД, Мексико и Канада од 11 јуни до 19 јули следната година.
Брегот на Слоновата Коска се први на табелата во групата Ф, попладнево победија со 7:0 против Сејшелите со головите на Сангаре (7-11м), Агбаду (17), Диаките (32), Гесанд (39), Диоманде (55), Адингра (67) и Кеси (90).
„Слоновите“ сега имаат 23 бода, еден повеќе од Габон, кој ја победи Гамбија со 4:3 како гостин во натпревар полн со пресврти. Габон водеше со 1:0 и 2:1, Гамбија направи пресврт на 3:2, но на крајот Габон сепак победи со 4:3.
Сите четири гола за Габон ги постигна ветеранот Пјер-Емерик Обамејанг (20, 42, 62, 78), но беше исклучен во 85-та минута поради втор жолт картон, додека стрелци за Гамбија беа Минтех (23) и Сидибех (45+2, 47).
За четири дена, Брегот на Слоновата Коска ќе има можност да го обезбеди Светското првенство со победа дома против Кенија, додека Габон, со победа против Бурунди, ќе мора да чека кикс на „Слоновите“, за да го обезбеди своето историско прво патување на Светското првенство.