Спорт
Хамилтон пак ги обвини ривалите: Ако молчите за расизмот, тогаш сте соучесници

Шесткратниот светски шампион Луис Хамилтон повторно изрази разочарување од некои свои ривали поради „соучесничката тишина“ околу прашањата за расизмот по протестите во САД и низ целиот свет по смртта на Џорџ Флојд.
Сите 20 Ф1 возачи се согласија да носат маички со порака „Крај на расизмот“ пред Австриското ГП денеска, но порака со поддршка на „Black Lives Matter“ најверојатно нема да има бидејќи дел од возачите се сомничави околу политичката природа на движењето. Хамилтон вели дека сакал повеќе возачи да го кренат својот глас.
„На состанокот се заблагодарив на тие кои напишаа нешто на социјалните мрежи бидејќи тоа е одлична платформа. Им објаснив дека тишината во основа значи соучесништво. И продолжува да има тишина. Има луѓе кои не разбираат што се случува и кои се причините за овие протести. Знам дека има проблем со возачите, не ми е потребно вакво искуство за да го знам тоа“, вели Хамилтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.
Спорт
Мајк Џејмс сака да си замине од Монако

Мајк Џејмс, најдобриот стрелец во историјата на Евролигата, бара опции да го напушти Монако.
Американецот сака да го напушти Кнежевството, иако има важечки договор до 2027 година. Тој се реши на ваков чекор откако клубот го суспендираше на неопределено време пред полуфиналето од плејофот во француското првенство.
Како дел од казната, му е забрането да биде дел од какви било тимски активности.
Џејмс не се согласува со оваа одлука, а во целиот случај се вклучи и Здружението на играчи од Евролигата, кое сака да ги дознае сите детали.
Претходно беше објавено дека причината за суспензијата е инцидент во ресторан, кога полицијата морала да интервенира, а во кој бил вмешан Џејмс. Американецот, од друга страна, тврди дека нема вина од негова страна.