Спорт
Реал го има Серхио Рамос! Капитенот пак им донесе победа со гол од пенал! (видео)

Реал Мадрид стигна до исклучително важна победа од 1:0 на гостувањето кај Атлетик Билбао правејќи голем чекор кон титулата во шпанската Ла лига, одвојувајќи се на седум поени пред Барселона, која денеска има исто толку тешко гостување кај Вилјареал.
Слично како при претходната победа од 1:0 над Хетафе, човек на одлука беше капитенот Серхио Рамос со гол од пенал во 73. минута од мечот, негов вкупно 10-ти гол во Ла лига оваа сезона, со што на пример е пред Антоан Гризман од Барса, кој има осум постигнати гола.
Со овие 10 гола, Рамос е првиот бек кој постигнал 10 гола во една сезона по уште еден фудбалер на Реал Мадрид, легендарниот Фернандо Јеро во 1993/94, а исто така има неверојатни пет гола во последните седум меча. Рамос исто така има најдолга серија на успешно постигнати пенали во Европа, дури 22 пати едноподруго бил прецизен од белата точка. Рамос исто така има 120 постигнати голови во кариерата, што е исклучително остварување за одбранбен фудбалер.
Uno es penalti. El otro no. Adivinen cuál.#AthleticRealMadrid pic.twitter.com/aKRozQRBWx
— Los otros 18 (@Losotros18) July 5, 2020
Сепак, овие неверојатни остварувања на Рамос не се голема утеха за навивачите на Атлетик Билбао кои се жалат дека пеналот беше престрого досуден, и дека во иста ситуација подоцна, Рамос не бил казнет за сличен прекршок.
Пред одлучувачкиот потег на капитенот, двата тима беа релативно израмнети во првото полувреме со интересни шанси за Карим Бензема за Реал и за Родриго за Атлетик. Ситуацијата се смени во 71. минута, кога Марсело имаше дуел со Дани Гарсија во шестнаесетникот на Атлетик, по што судијата реши ситуацијата да отиде кај ВАР системот, кој одлучи дека Марсело стигнал до топката пред фудбалерот на Билбао и досуди пенал. Само пет минути подоцна, Раул Гарсија падна во шестнаесетникот на Реал по дуелот со Рамос, но овојпат ВАР системот не беше повикан на помош!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Ѓоковиќ е Леброн на светскиот тенис, а Синнер и Алкараз се како Битлси и Ролинг Стоунс“

Легендарниот американски тенисер Џон Мекенро смета дека Новак Ѓоковиќ не треба да се пензионира. Оваа теза ја објасни со неодамнешниот настап на Ѓоковиќ на Ролан Гарос, каде Ѓоковиќ дојде до полуфиналето.
„Зошто да се пензионира кога е сè уште конкурентен?“, прашува Мекенро во интервју за „Кориере дел Сера“ и додава:
„Тој сè уште се натпреварува со Алкараз и Синер. Има два големи адути: искуство и способност да се справи со тешки моменти.“
Потоа Американецот во суперлативи говореше за српскиот тенисер.
„Невозможно е да не му се восхитувате. Тој е Леброн Џејмс на светскиот тенис. Поради неговите години, станува сè потешко да се справи со Јаник и Карлос, но сепак е вистинско чудо. Некој што треба да го проучува науката“, вели Мекенро.
Седумкратниот шампион на Гренд слем ги пофали и првиот и вториот тенисер на планетата.
„Алкараз зрачи со харизма и тоа ги прави неговите натпревари „тензични“. Морам да кажам дека Карлос е најталентираниот тенисер што сум го видел. Тој е едноставно брилијантен. Харизмата не може да се создаде, со неа се раѓаш“, рече Мекенро и додаде:
„Јаник е поконзистентен, а она што импресионира е чистотата на неговите удари и звукот што го слушате кога ја удира топката. Никогаш не сум слушнал нешто слично. Исто така, сум импресиониран од леснотијата со која Алкараз се извлекува од тешкотиите во кои запаѓа, исто така со неверојатна леснотија. Тој е единствениот тенисер за кого би платил билет за да го гледам. Тој е најдобриот подарок што го добил тенисот по големата тројка. Би рекол дека тие двајца се како Битлси и Ролинг Стоунс.“
Конечно, споредба со „големата тројка“.
„Ни во моите најлуди соништа не можев да сонувам дека Роџер, Рафа и Новак ќе стигнат до 20 или повеќе Гренд слем титули. Сега, ако ме прашате дали Алкараз и Синнер ќе освојат 25… не знам, ми се чини лудо, но никогаш не вели никогаш. Ако има некој што може да го направи тоа, тоа се тие двајца“, подвлече Мекенро.
Спорт
(Видео) Матурин херој од сенка – Индијана ја победи Оклахома

Кошаркарските Индијана Пејсерс го добија третиот натпревар од финалната серија на НБА против Индијана на домашен терен со 116:107 и сега водат со вкупен резултат 2:1.
Во „Филдхаус“, во Индијанаполис, се водеше изедначена борба во текот на целиот натпревар, кој беше решен во последните три минути .
При резултат 98:98 Шејсерс направија серија 12:4, отидоа на 110:102 и практично го решија прашањето за победникот. Халибартон започна со тројка, а Нејсмит го зададе завршниот удар.
Одличната тимска игра, која ја краси Индијана во текот на целиот плејоф, повторно дојде до израз. Овој пат се херој од сенка беше Бенедикт Матурин, кој постигна 27 поени со четири скока и една асистенција за само 22 минути на теренот.
Халибартон беше на работ на трипл-дабл со 22 поени, девет скока и 11 асистенции, додека Паскал Сиакам имаше 21 поен.
Џејлен Вилијамс со 26 поени беше најдобар во редовите на Оклахома. МВП-то на регуларната сезона Шеј Гилџис Александар постигна 24 поени со осум скока и четири асистенции.
Титулата ќе ја освои првиот тим што ќе стигне до четири победи. Четвртиот натпревар од серијата се игра ноќта меѓу петок и сабота исто така во Индијанаполис.
Спорт
Свилар останува во Рим

Миле Свилар би можел да ја продолжи кариерата во Рим.
Голманот со српско потекло имаше одлична сезона со тимот од Рим и беше прогласен за најдобар голман на мрежата на Серија А.
Поради тоа, Рома нема нема намера да го пушти Свилар, па преговорите околу неговото останување во Рим се веќе во завршна фаза.
Олеснителна околност е тоа што Свилар сака да остане во тимот.
🚨🔴🟡 AS Roma are advancing in talks to extend Mile Svilar’s contract, deal now getting closer.
Roma have always been confident and discussions will continue on more details.
🎥🇮🇹 Gli aggiornamenti: https://t.co/m2h8dpGpH0 pic.twitter.com/NSTJMN1JLc
— Fabrizio Romano (@FabrizioRomano) June 11, 2025
Свилар ќе добива 3.000.000 евра по сезона.