Македонија
Мицкоски: Најавуваа правда и мир, а донесоа рекет и криминал

Претседателот на ВМРО-ДПМНЕ, Христијан Мицкоски, се обрати пред жителите на Кривогаштани, на кои им ја претстави изборната програма на ВМРО-ДПМНЕ за претстојните четири години.
Мицкоски потенцираше дека ова се можеби најважните избори од осамостојувањето на земјава, бидејќи на овие избори ќе се донесе одлука дали Македонија да ја биде или не. На овие избори народот ќе бира помеѓу гордост, чест и достоинство или неправда, криминал и корупција.
„Кривогаштани масовно ќе излезе на гласање и ќе го заокружи бројот 14. Уверени сме во мудроста и одлучноста на народот кој недвосмислено сака обнова на Македонија. СДСМ ја понижи интелегенцијата на народот со манипулациите кои ги шири веќе речиси четири години. Дрско манипулирање со народот, лаги, невистини и многу криминал. Тоа е се што остави СДСМ за речиси четири години. Зоран Заев ја потона Република Македонија во политичкото мочуриште. Ја втурна во криминал, корупција, уцени и рекет. На сето ова мора да му дојде крај и тој ќе се случи за неколку дена.
На 15-ти јули во Кривогаштани и во цела Република Македонија ќе победи ВМРО-ДПМНЕ. Тоа е јасно. Македонскиот народ секогаш се сплотувал кога било најтешко. Така ќе биде и сега. Без разлика на етничката припадност на граѓаните, сепак ќе се сплотат, бидејќи Македонија мора да победи. Најавуваа правда и мир, а наместо тоа донесоа рекет и трас трас судски одлуки. Го заробија судството и обвинителството за политички да се пресметуваат“, рече Мицкоски и додаде:
„Го променија првото уставно знаме на Република Македонија и за тоа немаше одговорност. Потоа дојде територијалната распределба за која исто така никој не одговараше, а на сметка на тоа се лажеше дека ќе има вработување во секое семејство. Лажеа и тогаш, лажеа и денес.
Мицкоски истакна дека СДСМ е вмешан секогаш кога треба да се посегне по национален идентитет, како што беше промената на уставното име на Република Македонија. Срамен и беден чин.
ВМРО-ДПМНЕ макотрпно работеше на читанката на речена Проект – Обнова на 360 страни, во која има над 1000 проекти и мерки за секој еден граѓанин. Таа читанка е иднината на Република Македонија. Во неа ќе најдете 25% зголемување на просечната плата, 20% зголемување на пензиите, 4 милијарди инвестиции во еден мандат, 640 милиони евра субвенции за земјоделците, стапка под 10%, ослободување од партиципација на студентите и уште многу мерки кои ќе го олеснат животот на граѓаните.
Таа програма е изработена од врвни професионалци, луѓе од партиските структури, од вас граѓаните и од секој кој истакнал желба да помогне. Во изборната програма на ВМРО-ДПМНЕ има и дел во однос на историјата на Република Македонија и односите со соседите. Децидно кажуваме дека Гоце Делчев е Македонец и ништо поинаку од тоа.Се обврзуваме да ја чуваме Македонија. ВМРО-ДПМНЕ ќе ја чува Република Македонија се додека постои партијата, а таа ќе постои вечно.Ваш носител на листата во ИЕ4 е Александар Николоски. Тој е чесен и честит човек, човек на партијата од најмлади години, докажан патриот. Беспрекорен работник и човек од народот.На 15-ти јули Кривогаштани ќе гласа за број 14 и за носителот Александар Николоски.Кривогаштани ќе гласа за ВМРО-ДПМНЕ“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Меѓусебната заштита на Коцевски со СДС и ДУИ е причина за 2% доверба во судството

СДС ги штитат корумпираните обвинители и судии бидејќи им овозможуваат закрила на нивните функционери, велат од ВМРО-ДПМНЕ.
„Клиентелизмот на Коцевски е гаранција за заштита и неказнивост на функционерите од СДС и ДУИ.
Поддршката што Коцевски ја доби од Филипче е меѓусебна заштита која ја гуши правдата во државата. Бидејќи доколку падне Коцевски, ќе се отворат врати за истраги како против Филипче така и за останатите функционери од СДС и ДУИ.
СДС со негласањето на интерпелацијата целосно се разголи, и на виделина пред јавноста излезе спрегата помеѓу СДС, ДУИ и Коцевски.
Очигледно е дека СДС и ДУИ стојат зад заштитата на Коцевски, кој за возврат не презема ништо за наводните злоупотреби и сомнежи за висоока корупција како и сомнителни тендери поврзани со Филипче, Заев и Ахмети.
Со одбивањето да ја поддржат интерпелацијата, СДС и ДУИ јасно покажаа кој го поставал Коцевски и кој го одржува на функцијата, јавниот обвинител Коцевски.
Се додека Коцевски е на позицијата, довербата во правосудството ќе биде помала од 2%, а одговорност за криминалите поврзани со СДС и ДУИ нема да има.
Доколку постои грам морална одговорност кај Коцевски, треба да ја препознае пораката од јавноста и да си поднесе оставка.
На Македонија и се неопходни темелни реформи во судството, правосудство растеретено од политички влијанија каде судиите и обвинителите ќе носат одлука врз основа на законите и Уставот а не под влијание на партиските интереси на СДС и ДУИ.
Во Македонија неопходно е правдата да завладее, неопходни се коренити реформи и трансформација на судскиот систем“, пишува во соопштението на ВМРО-ДПМНЕ.
Македонија
Времето денеска сончево со мала до умерена облачност, попладне локален пороен дожд и грмежи

Времето денеска ќе биде сончево со мала до умерена локална облачност.
Ќе дува слаб до умерен ветер претежно од југоисточен правец.
Попладне ќе има изолиран развој на нестабилна облачност со локален пороен дожд и грмежи.
Минималните температури ќе се движат од 12 до 20, а максималните од 26 до 36 степени целзиусови.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе биде 17, а максималната дневна ќе достигне 36 степени.
Македонија
Бендевска: Да го продолжиме заветот од Илинден и пораката од АСНОМ

По повод 2 Август – Денот на Републиката, во име на претседателот на Собранието на Република Северна Македонија, Африм Гаши, потпретседателката на Собранието на Република Северна Македонија, Весна Бендевска, заедно со собраниска делегација во состав: Бране Петрушевски, Никола Коњановски, Даниела Николова и Даниел Стојчевски, одбележа 81 година од Првото заседание на АСНОМ, во Меморијалниот центар АСНОМ во Пелинце.
„На хероите на двата Илиндена кои се жртвуваа за денес да можеме да бидеме свои на своето, да им ветиме уште еднаш дека денешните генерации нема да го заборават заветот што ни го оставија. Да ги насочиме нашите погледи, стремежи и напори од заедничкото минато, кон заедничката сегашност и иднина. Да го продолжиме заветот од Илинден и пораката од АСНОМ“ – порача потпретседателката Бендевска.