Свет
Експерт тврди дека анексијата ги спречува Палестинците од етничко чистење на Евреите
Планот на Израел да го примени суверенитетот на делови од Западниот Брег става крај на морално одвратната идеја – поддржана од сите американски администрации, освен онаа на Трамп – дека Евреите треба да бидат етнички исчистени од територијата, изјави правниот експерт Еуген Конторович во ексклузивно интервју за „Брејтбарт њуз“.
„Администрацијата на Обама зазеде став дека мирот со Палестинците бара Израел етнички да ја исчисти територијата. Администрацијата на Трамп имаше морална јасност да признае дека отстранувањето на еврејскиот народ од населбите на Западен Брег како израелска обврска во мировниот договор е морално одвратно“, истакна Конторович.
Таканаречената визија за мир на претседателот Доналд Трамп предвидува Израел да анектира 30 отсто од Западниот Брег и долината на Јордан. Исто така, се разграничува демилитаризирана палестинска држава основана на поголемиот дел од Западниот Брег со делови од источен Ерусалим, кои се наоѓаат надвор од израелската безбедносна ограда како нејзин главен град.
Ако Израел продолжи со плановите, Палестинската Самоуправа предупреди дека еднострано ќе прогласи држава заснована на линиите од пред 1967 година.
Според Конторович, професор по право кој работи како директор на Центарот за Блискиот Исток и меѓународно право на Правниот факултетот при Универзитетот „Џорџ Мејсон“, сите мировни предлози – освен оние на Трамп – кои се изнесени низ годините откако Израел го ослободи Западниот Брег од јорданската окупација во одбранбената војна во 1967 година, се засноваа на погрешна идеја дека еврејското присуство таму е нелегално и треба да се смени.
Овие предлози бараа Израел да одржи подрачјето од кое Јордан етнички ги исчисти Евреите во 1948 година како зона со постојан „јуденреин“, рече тој, користејќи ја нацистичката терминологија за исклучување на Евреите. И покрај тоа што ниту една израелска влада досега не предложила евакуација на Палестинците од областа, тој рече дека протерувањето на Евреите е минимално барање за какви било палестински преговори.
„Израел треба да го примени израелскиот закон над оваа област како што требаше да се направи пред 53 години по Шестдневната војна,“ изјави професорот по право.
Израел во тоа време верувал дека станува збор само за привремена ситуација и дека еврејската држава ќе склучи мировен договор со Палестинците. Но, Палестинците ги отфрлија сите израелски понуди, па близу половина милион доселеници со децении требаше да живеат под кафказијанска бирократија слична на мрачните отомански закони што владеат во таа област.
На прашањето дали премиерот Бенџамин Нетанјаху е претпазлив околу притисок за суверенитет и покрај европското и арапското отфрлање – па дури и двоумењето од страна на САД – Конторович е одлучен.
„Не мислам дека постои понежен и попретпазлив начин отколку да не го сториш тоа 53 години и притоа да нудиш државјанство на Палестинците во безброј прилики. Тоа е долг период на смирување на ситуацијата“, рече тој.
Кондорович, исто така, се занимава со терминот анексија објаснувајќи дека во меѓународното право анекцијата е дефинирана како една држава која зема земја од друга суверена држава. Бидејќи во овој случај Западниот Брег нема суверенитет, терминот анексија е погрешен.
„Вистинскиот агресор не чека 53 години да го примени законот на својата територија. Сепак, според двојните стандарди на меѓународната заедница, Израел секогаш ќе се смета за агресор. Европејците дури признаа дека правилата според тие постапуваат со Израел не исти како оние за некоја грубо споредлива ситуација и тие се се повеќе отворени за тој факт “, рече тој.
Во меѓународното право на Израел не му е дозволено да стори ништо ж, рече тој.
„Тоа е затоа што постои посебен систем на меѓународно право за Израел“, рече Конторович и додаде дека еврејската држава е „меѓународно правно гето, кое се состои од правила што се создадени и дизајнирани и се применуваат само за таму“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.