Свет
(Видео) Уапсен руски гувернер, маскирани агенти го извлекоа од автомобилот и го ставија во комбе
Руските безбедносни сили го уапсија гувернерот кој ја победи владејачката партија на изборите во 2018 година на Далечниот Исток обвинувајќи го дека убил неколку бизнисмени пред 15 години.
Сергеј Фургал, гувернер на регионот Кабаровск, беше извлечен од возилото од маскирани агенти, кои го ставија во комбе, покажуваат снимките на истражниот одбор, кој е руска верзија на американскиот ФБИ.
Истражниот комитет соопшти дека обвинението против Фургал ќе биде поднесено набргу.
Тој е осомничен дека меѓу 2004 и 2005 година наредил ликвидација на неколку стопанственици и ако биде прогласен за виновен, би можел да се соочи со доживотен затвор.
Агенцијата не наведува детали за наводните злосторства, но потврди дека во врска со тој случај веќе биле уапсени четворица членови на организираната криминална група и дека лицата вмешани во убиствата доставиле докази против Фургал.
Фургал, член на Либерално-демократската партија (ЛДПР) и поранешен пратеник, беше многу популарен во споменатиот пацифички регион, каде што ја освои власта во 2018 година победувајќи ја партијата Обединета Русија, која го поддржува претседателот Владимир Путин.
Иако и ЛДПР го поддржува Путин, победата на Фургал беше толкувана како удар на владејачката партија, која ги држи руските региони цврсто во рака.
Политичкиот аналитичар Абас Галијамов смета дека апсењето на Фургал е предупредување за опозициските партии, кои ќе ѝ се спротивстават на владејачката партија на регионалните избори во септември.
Лидерот на ЛДПР, Владимир Жириновски, се закани дека неговата партија и сојузниците би можеле да го напуштат парламентот во знак на протест.
„Ние ви дадовме устав, а вие ни ставате лисици“, рече Жириновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.
Свет
(Видео) Се урна дел од автопат во Кина: возила паднаа во провалија, десетици мртви
Се урна автопат во провинцијата Гуангдонг во јужна Кина.
Дел од автопатот се урна рано наутро во јужна Кина, при што загинаа најмалку 19 лица, соопштија локалните власти.
Осумнаесет автомобили паднаа по падина откако се урна дел од автопатот, соопштија властите во градот Меиџоу во провинцијата Гуангдонг. Инцидентот се случил околу 02:00 часот. Очевидци за локалните медиуми изјавиле дека слушнале силна бучава и виделе дупка отворена неколку метри зад нив, откако оделе дел од патот непосредно пред да се урне.
May 1: a section of the Meilong Expressway (梅龙高速公路) in Guangdong province collapsed at around 2:10am, and 18 vehicles fell into the sinkhole.
31 people were rescued and sent to the hospital. One of them died afterwards…https://t.co/X6QY2zwKdshttps://t.co/cKcJF8YwLB pic.twitter.com/8cUgXonCGR
— Byron Wan (@Byron_Wan) May 1, 2024
Видеото и фотографиите во локалните медиуми покажуваат чад и оган на местото на настанот. Спасувачите превезоа 30 лица во болница, објави државната телевизија CCTV.